ጋንታ ወልዋሎ ንኣሰልጣኒ ፀጋይ ኪዳነማርያም  ንምቑፃር ተስማዕሚዓ

ኣዲስ ኣበባ፣ 5 ሕዳር፣ 2017 (ኤፍ ቢ ሲ)ጋንታ ወልዋሎ ዩኒቨርሲቲ ዓዲግራት ሓዱሽ ኣሰልጣኒ ንምቁፃር ኣብ ስምምዕ በፂሓ።

ዝሓለፈ ኽረምቲ ንኣሸናፊ በቀለ ኣሰልጣኒኣ ገይራ ኣብ ፕሪሚየር ሊግ ኢትዮጵያ ውድድራ ምክያድ ዝጀመረት ጋንታ ወልዋሎ ዩኒቨርሲቲ ዓዲግራት፥ ብዘርኣየቶ ድኹም ምንቅስቓስ ንኣሰልጣኒኣ  ምስጓጋ ዝዝከር እዩ።

ሕዚ ድማ ሓዱሽ ኣሰልጣኒ ንምቁፃር ኣብ ኣለሻ ድሕሪ ምፅናሕ፥ ንኣሰልጣኒ ፀጋይ ኪዳነማርያም ሓዱሽ ኣሰልጣኒኣ ገይራ ንምቑፃር ኣብ ስምምዕ ከምዝበፀሐት ኣካይዲ ስራሕ እታ ጋንታ ሚኪኤለ ዓመደመስቀል ገሊፁ።

ወልዋሎ ዩኒቨርሲቲ ዓዲግራት ኣብዚ ውድድር ዓመት ሽድሽተ ግጥማት ኣካይዳ ሽድሽቲኦም ተሳዒራ፤ ብባዶ ነጥቢ ኣብ መበል 18 ደረጃ ተቐሚጣ ትርከብ።