ጉጅለ ራዕዲ ኦነግ ሸኔን ህወሓትን ብሕቡእ ዝፍፅምዎ ዝነበሩ ተግባር ጥፍኣት ንምቕፃል ብዕሊ ምስምዕምዖም ኣፍሊጦም

ኣዲስ ኣበባ፣  5 ነሓሰ፣ 2013 (ኤፍ ቢ ሲ) ብባይቶ ወከልቲ ህዝቢ ብግብረ ራዕዲነት ዝተፈረጁ ኦነግ ሸኔን ህወሓትን ቅድመ ሐዚ ብሕቡእ ዝፍፅምዎ ዝነበሩ ተግባር ጥፍኣት ብሓባር ንምቕፃል ብዕሊ ምስምዕምዖም ኣፍሊጦም።

መራሒ ኦነግ ሸኔ ድሪባ ኩምሳ (ጃል መሮ ) ምስ ኣሶሺየትድ ፕሬስ ኣብ ዝገበርዎ ፃንሒት፥ መንግስቲ ብሓይሊ ካብ ስልጣን ንምውራድ ምስ ጉጅለ ራዕዲ ህወሓት ብሓባር ንምስራሕ ምስምዕምዖም ተዛሪቦም።

እቲ ስምምእነት ጉጅለ ራዕዲ ህወሓት ብመሰረት ዘቕረቦ ሕቶ ቅድሚ ሒደት ሰሙናት  ከምዝተፈፀመ ገሊፆም።

ኣቐባሊ ቃል ጉጅለ ራዕዲ ህወሓት ኣይተ ጌታቸው ረዳን ዶክተር ደብረጺዮን ገ/ሚካኤልን ብግደኦም፥ ምስ ኦነግ ሸኔ ኣብ ዝተወሰኑ ጉዳያት ብሓባር ንምስራሕ ዘተ ከምዝተጀመረ ንወኪል ዜና ሬውተርስ ኣረጋጊፆም።

ኦነግ ሼኔ ካብ ጉጅለ ራዕዲ ህወሓት ተልእኾ ብምቕባል ኣብ ዝተፈላለዩ ከባቢታት ኣብ ልዕሊ ሰለማዊያን ዜጋታት ጨፍጫፍ እንትፍፅም ከምዝፀንሐ መንግስቲ ብተደጋጋሚ ምግላፁ ይፍለጥ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።