ጉጅለ ራዕዲ ህወሓት ሓገዝ ዝፀዓና ኣውሮፕላናት ኣብ መዕርፎ ነፈርቲ መቐለ ንከይዓርፋ ከምዝኸልከለ መንግስቲ ገሊፁ

ኣዲስ ኣበባ፣ 16 ሰነ፣ 2014 (ኤፍ ቢ ሲ)ጉጅለ ራዕዲ ህወሓት ሓገዝ ዝፀዓና ኣውሮፕላናት ኣብ መዕርፎ ነፈርቲ መቐለ ንከይዓርፋ ከምዝኸልከለ መንግስቲ ገሊፁ።

ኣገልግሎት ኮሚኒኬሽን መንግስቲ ሎሚ ኣብ ዘውፅኦ መግለፂ፥ ኣብ ትግራይ ኣብ ኣፀጋሚ ኩነታት ዘለዉ ዜጋታት ሰብኣዊ ሓገዝ ንክበፅሖም መንግስቲ ክሰርሕ ከምዝፀንሐ ሓቢሩ።

ምስ ዝተፈላለዩ ዓለም ለኻዊ ትካላት ብምትሕብባር መሰረታዊ ደገፍ ብመሬትን ኣየርን ከጎዓዕዝ ከምዝፀንሐ እውን ገሊፁ።

እቲ ጉጅለ ግብረ ራዕዲ ፃዕሪ መንግስቲ ንምፅላም ክብል ናብ ትግራይ ዝኣትዉ ሰብኣዊ ሓገዝ ዝፀዓኑ ዝኣትዉሉ ከይዲ ንምትዕንቓፍ ብተደጋጋሚ ከምዝፈተነ እቲ መግለፂ ሓቢሩ።

ነዚ ድማ መንገዲ ብምዕፃው፣ ኣብ ከባቢ ኮሪደራት ትንኮሳ ብምክያድ ንህዝቢ ትግራይ ሓልዮት ከምዘይብሉ ብተግባር ከምዘርኣየ ተሓቢሩ።

ይኹን እንበር መንግስቲ ካብቲ ገጅለ ራዕዲ ዝመፅኡ ፅዕንቶታት ብምፅዋር ብዝሰርሖ ስራሕቲ ዓለም ለኸ ማሕበረሰብ ኣፍልጦ ረኺቡ ኢዩ ኢሉ።

ሐዚ እውን መንግስቲ በቢመዓልቱ መድሓኒትን ናውቲ ሕክምናን ከምኡውን ንህፃናት ዝኾኑ ሃነፅቲ ምግብታት ዝለኣኸሉ በረራ ኣየር እቲ ጉጅለ ራዕዲ ካብ ትማሊ ጀሚሩ ንዘይተወሰነ እዋን ሓገዝ ዝፀዓና ኣውሮፕላናት ኣብ መዕርፎ ነፈርቲ መቐለ ንከይዓርፋ ከምዝኸልከለ መንግስቲ ገሊፁ።

ማሕበረሰብ ዓለም እቲ ጉጅለ ራዕዲ ንከውግዞን ምኽኒያት እቲ ክልከላ እውን ንከፃሪን መንግስቲ ውዒት ኣቕሪቡ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።