ገምጋም ኣፈፃፅማ ማእኸላይ እዋን ትልሚ 10 ዓመት ይካየድ ኣሎ

ኣዲስ ኣበባ፣ 15 ነሓሰ፣ 2015 (ኤፍ ቢ ሲ)ገምጋም ኣፈፃፅማ ማእኸላይ እዋን ትልሚ 10 ዓመት ይካየድ ከምዘሎ ቀዳማይ ሚኒስተር ኣቢይ ኣሕመድ(ዶ/ር) ገሊፆም።

እቶም ቀዳማይ ሚኒስትር ኣብ ትዊተር ሒሳቦም ኣብ ዘመሓላለፍዎ መልእኽቲ፥ ኣብቲ መድረኽ ትልሚ ማእኸላት ካልኣይ ምዕራፍ(2016-2018) እውን ክግምገም ኢዩ ኢሎም።

ቀንዲ ቀንዲ ኣንፈታት ባጀት ዓመት 2016 ዓ.ም ኣብቲ መድረኽ ክረኣዩ ኢዮም ኢሎም።

ብተወሳኺ ኣፈፃፅማ 100 መዓልታት ናይ መወዳእታ ርባዕ ዓመት ሕድ ሕድ ትካል ከመዝግምገም ተዛሪቦም።

ብሓፈሻ ኢኮኖሚ ኢትዮጵያ ዝስርሑ ስራሕቲን ከመይ ዝበለ ቅርፅን መልክዕን ኣለዎም ዝብል ንምርኣይ እቲ መድረኽ ከምዝተሰናደአ እቶም ቀዳማይ ሚኒስትር ገሊፆም።