ድምፃዊት የዓለምወርቅ ጀንበሩ ኣብ መበል ዓስራይ ምዕራፍ ውድድር ፍፃመ ፋና ላምሮት ቀዳማይቲ ብምዃን ተዓዊታ

ኣዲስ ኣበባ፣ 4 ሰነ፣ 2014 (ኤፍ ቢ ሲ)ድምፃዊት የዓለምወርቅ ጀንበሩ ኣብ መበል ዓስራይ ምዕራፍ ውድድር ፍፃመ ፋና ላምሮት ቀዳማይቲ ብምዃን ተዓዊታ።

ንፍፃመ ምዕራፍ ውድድር ዝሓለፉ ኣርባዕተ ተወዳደርቲ እንትኾኑ፥ ኣብቲ ሎሚ መዓልቲ ዝተገበረ ውድድር ድምፃዊት የዓለምወርቅ ጀንበሩ ቀዳመይቲ ብምዃን 200 ሺሕ ብር ተሸላሚት ኮይና።

ብተወሳኺ ድምፃዊ ዳንኤል ኣዱኛ ካልኣይ፣ ድምፃዊ ደሳለኝ ኣበበ ሳልሳይ ደረጃ ዝሓዙ አንትኾኑ፥ ብቕደም ሰዓብ 150 ሺሕ ብርን 100 ሺሕ ብርን ተሸለምቲ ኮይኖም።

ራብዓይ ድማ ድምፃዊ ገረመው ገብረፃድቕ እንትኸውን ተሸላሚ 50 ሺሕ ኮይኑ።

ነቶም ድምፃውያን ሽልማት ዝሃቡ ዋና ኣፈፃሚ ስራሕ ፋና ብሮድካስቲንግ ኮርፖሬት ኣይተ ኣድማሱ ዳምጠው፥ ፋና ላምሮት ትውልዲ ዝቐርፀሉ፣ ዕድል ዘይረኸቡ ድምፃውያን መናእሰይ ዕድል ዝረኽብሉ፣ ጥበብ ጥበበኛታት ክብ እተብለሉ፣ ሙያን ሙያተኛታትን ዝራኸብሉ መድረኽ ኢዩ ኢሎም።

ፋና ላምሮት ዳያኑ፣ ተጋበዝቲ እቲ መርሃ ግብሪ ኣጋይሽ ብፍላይ ዓማዊል ፋና ነቲ ምድላው ንክዕወት ንዝገበርዎ ኣስተዋፅኦ አመስጊኖም።

ጥበበኛታት ስድራ ፋና ከምዝኾኑ እውን ተዛሪቦም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።