ደቡብ ሱዳን ኣብ ኣፀጋሚ ኩነታት ኣብ ዝነበረትሉ እዋን ኢትዮጵያ ሓገዛ ዘይፈለየትላ መሓዛ ሃገር ኢያ – ዶ/ር ባርናባ ማሪያ

ኣዲስ ኣበባ ፣ 29 ሚያዝያ፣ 2013 (ኤፍ.ቢ.ሲ)ደቡብ ሱዳን ኣብ ኣፀጋሚ ኩነታት ኣብ ዝነበረትሉ እዋን ኢትዮጵያ ሓገዛ ዘይፈለየትላ መሓዛ ሃገር ከምዝኾነት ሚኒሰስትር ፕሬዚዳንታዊ ጉዳያት ደቡብ ሱዳን ዶክተር ባርናባ ማሪያ ገሊፆም።

እቶም ሚኒስትር እዚ ዝበሉ፥ ምስ ኣምባሳደር ኢትዮጵያ ኣብ ደቡብ ሱዳን ነቢል ማህዲ ኣብ ዝተዛተዩሉ እዋን ኢዩ።

ኣምባሳደር ነቢል ኣብቲ እዋን፥ ብዛዕባ እዋናዊ ኩነታት ብፍላይ ኣብ ቀረብ ሰብኣዊ ሓገዝ ዝምልከት መብርሁሂቦም።

ከይዲ ሰለስተኣዊ ድርድር ግድብ ህዳሰን ጉዳይ ውጥጥ ዶብ ኢትዮ-ሱዳንን ከምኡ እውን ብዛዕባ ሃገራዊ መረፃ ኢትዮጵያ ኣመልኪቶም እውን ገለፃ ገይሮም።

ዘበን ተሳጋሪ ርክብ ክልቲአን ሃገራት ዘልዓሉ ዶክተር ባርናባ ማሪያ ቤንጃሚን ብግደኦም፥ ደቡብ ሱዳን ኣብ ኣፀጋሚ ኩነታት ኣብ ዝነበረትሉ እዋን ኢትዮጵያ ሓገዛ ዘይፈለየትላ መሓዛ ሃገር ከምዝኾነት ኣብሪሆም።

ክልቲአን ሃገራት ኢሉ እውን እቲ ዞባ ብሓባር ንምልማዕ ኣብ መሰረተ ልምዓታት መገዲ፣ ሓይሊ ኤሌክትሪክን ካልኦትን ንምትእስሳር ዘኽእሉ ምትሕብባራት ክጠናኸሩ ይግባእ ምባሎም ሃብ ሚኒስቴር ጉዳያት ወፃኢ ፌዴሪኢ ዝረኸብናዮ ሓበሬታ የረድእ።

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ

ይግበሩ/ራ!