ዩኒቨርሲቲ መቐለ ሓደሽቲ ተምሃሮኡ ሎሚ ይቕበል ኣሎ

ኣዲስ ኣበባ፣ 19 ሕዳር፣ 2017 (ኤፍ ቢ ሲ)ዩኒቨርሲቲ መቐለ ኣብ ዘበነ ትምህርቲ 2017 ኣብቲ ዩኒቨርሲቲ ዝተመደቡ ሓደሽቲ ተምሃሮ ቀዳማይ ዓመት ይቕበል ኣሎ።

እቲ ስነስርዓት ቅበላ ካብ ሎሚ 19 ሕዳር 2017 ዓ.ም ክሳብ ፅባሕ 20 ሕዳር 2017 ዓ.ም ከምዝፀንሕ ተገሊፁ።

ዌብሳይት እቲ ዩኒቨርሲቲ e-student website www.mu.edu.et ካብ 13 ሕዳር 2017 ዓ/ም ጀሚሩ ክፉት ብምግባር እቶም ተምሃሮ ቅድሚ ናብቲ ዩኒቨርስቲ ምኻዶም ኣብ ዘለውዎ ኾይኖም እናተመዝገቡ ክፀንሑ ከመዝተገበረ ይፍለጥ።

ብኦንላይን ኣብ ዝምዝገቡሉ እዋን ናይ 8ይ ክፍሊ ሰርትፍኬት፣ ናይ 12 ክፍሊ ሰርትፍኬትን ካብ 9ይ-12 ክፍሊ ትራንስክሪፕት ሰካን ገይሮም ከተሓሕዙ ተገይሩ ኢዩ።

ብመሰረት እዚ ተምሃሮ ተፈጥሮ ሳይንስ ኣብ ቀፅሪ እንደየሱስ ፣ ተምሃሮ ሕብረተ-ሰብ ሳይንስ ኣብ ቀፅሪ ዓዲ-ሓቂ ኣቀባብላ ይግበረሎም ኣሎ።

ኣብ 2016 ዓ/ም ኣብቲ ዩኒቨርሲቲ ብረሜድያል ፕሮግራም ክመሃሩ ዝፀንሑን መሕለፊ ነጥቢ ዝረኸቡን ተምሃሮ ድማ ንተምሃሮ ቀዳማይ ዓመት ኣብ ዝተገለፀ ዕለት ብኦንላይን ተመዝጊቦም ብኣካል ውን ነቲ ዩኒቨርሲቲ ከፍልጡ ይግባእ ተባሂሉ ኣሎ።