ዘላቒ ሰላም ከተማታት ንምርግጋፅ ሓገዝ ኣቦታት ሃይማኖትን ዓበይቲ ዓድን ወሳኒ እዩ ክብሉ – ዶክተር ይልቃል ከፋለ

ኣዲስ ኣበባ ፣ 5 ሰነ፣ 2014 (ኤፍ ቢ ሲ)ዘላቒ ሰላም ከተማታት ንምርግጋፅ ሓገዝ ኣቦታት ሃይማኖትን ዓበይቲ ዓድን ወሳኒ ከምዝኾነ ርእሰ ምምሕዳር ክልል ኣምሓራ ዶክተር ይልቃል ከፋለ ገሊፆም።

እቶም ርእሰ ምምሕዳር ምስ ተወከልቲ ኣቦታት ሃይማኖትን ዓበይቲ ዓድን  ኣብ ከተማ ጎንደር ኣብ እዋናዊ ጉዳያት ዘትዮም።

ኣብ ዝሓለፈ እዋን ኣብ ከተማ ጎንደር ሃይማኖት ጉልባብ ብምግባር ዝተፈጠረ ፀገም ዝገደደ ጉድኣት ከየብፀሐ ንክፍሽል ኣብ ዝተገበረ ፃዕሪ ሓገዝ ኣቦታት ሃይማኖትን ዓበይቲ ዓድን ልዑል ከምዝነበረ ገሊፆም።

ብተመሳሳሊ ቅድሚ ሐዚ ተፈጢሩ ካብ ዝነበረ ጎንፂ ካብ ከባቢኦም ተመዛቢሎም ዝነበሩ ዜጋታት መሊስካ ንምጥያሽ ኣብ ዝተገበረ ፃዕሪ ግደ ትካላት ሃይማኖትን ሽማግለታት ዓበይቲ ዓድን ዕዙዝ ከምዝነበረ እውን እቶም ርእሰ ምምሕዳር ገተዛሪቦም።

ኣብቲ ክልል ዝርከባ ከተማታት ዘተኣማምን ሰላም ንክህልወንን ንዝሓሸ ምዕባለን ክለዓዓላ ንምግባር ውድባት ዝተፈላለዩ ትካላት ኣዝዮም ክሰርሑ ከምዝግባእ እውን ሓቲቶም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።