ዓወት ዓድዋ ኢትዮጵያን ምንካእ ዘስዕቦ መዘዝ እንታይ ከምዝኾነ ኣምሂሩ ዝሓለፈ ድሙቕ ሓውልቲ ኢዩ- ቀ/ሚ ኣቢይ

ኣዲስ ኣበባ፣ 22 ለካቲት፣ 2014 (ኤፍ ቢ ሲ)ቀዳማይ ሚኒስትር ፌዴሪኢ ኣቢይ ኣሕመድ መበል 126 ዓመት ዓወት ዓድዋ ኣድሂቦም ናይ እንኳዕ ኣብፀሐኩም መልእኽቲ ኣመሓላሊፎም።

እቶም ቀዳማይ ሚኒስትር ኣብ ዘመሓላለፍዎ መልእኽቲ፥ ጀጋኑ ኣቦታትናን ኣዶታትናን ተገዛኣይነትን ባርነትን፣ ትሕትነትን ውርደትን እምቢ ብምባል ታሪኽ ዝሰርሕሉ በዓል ዓወት ዓድዋ ንምኽባር ብምኽኣልና ዕድለኛታት ኢና ኢሎም።

እቲ በዓል ናፃ ዝወፃእናሉ ኣይኮን ብምባል፥ ነፃነትና ንከይድፈር ብቅልፅምና ዘኽበርናሉ ኢዩ ክብሉ ኣብሪሆም።

ንሓና ናይ ዓወት በዓል እንበር ናይ ነፃነት በዓል የብልናን፤ እዚ ድማ ኩሉ ግዘ እንኾርዓሉ ታሪክና ኢዩ ክብሉ ኣብ ዘመሓላለፍዎ መልእኽቲ ገሊፆም።

ዓወት ዓድዋ ኣፍሪካውያን፣ እስያውያንን ደቡብ ኣሜሪካውያንን ናይ ባርነት ኣርዑት ንክስበሩ፣ ሸኽሚ ባዕዳዊ ግዝኣት ንከወግዱ፣ ፓሊሲ ፀቕጢ ንከቐይሩ ከምዝገበሮም ሓቢሮም።

ዓወት ዓድዋ ኣብ መንጎ ፀለምቲን ፀዓዱን ዝነበረ ዝተበላሸወ ተረኽ ዝቐየረ፣ ማንነት ፀለምቲ ህዝብታት ዘመስከረ ገድል ከምዝኾነ ኣብሪሆም።

ኢትዮጵያን ምንካእ ዘስዕቦ መዘዝ እንታይ ከምዝኾነ ኣምሂሩ ዝሓለፈ ድሙቕ ሓውልቲ ከምዝኾነ እውን ገሊፆም።