ዓለም ለኸ ጉባኤ ሰላም ደቂ ኣኒስቲዮ ኣብ ደቡብ ኮሪያ ይሳለጥ ኣሎ

ኣዲስ ኣበባ፣ 8 መስከረም፣ 2016 (ኤፍ ቢ ሲ)ዓለም ለኸ ጉባኤ ሰላም ደቂ ኣኒስቲዮ ኣብ ደቡብ ኮሪያ ይሳለጥ ኣሎ።

እቲ ጉባኤ “ግደ ደቂ ኣኒስቲዮ ንዘላቒ ሰላም” ዝብል መሪሕ ሓሳብ ዘለዎ አንትኸወን፥ ትካል ሰላም ደቂ ኣኒስቲዮ ዓለም ዘሰናድኦ ከምዝኾነ ተሓቢሩ።

ኣብቲ መድረኽ፥ ቀዳማዊ እመቤታት፣ ነበር መራሕቲ ሃገራት፣ ሚኒሰትራት ጉዳይ ደቂ ኣኒስቲዮን ህፃናትን፣ ተሓለቕቲ ሰብኣዊ መሰል፣ ተወከልቲ ማሕበራት ደቂ ኣኒስቲዮን ሰብ ሞያዊያን ሕጊን ይሳተፉ ኣለዉ።

ትምህርቲ ሰላም ምስፋሕ፣ ባህሊ ሰላም ክብ ምባልን ጉዳያት ሰላም ትካላዊ ምግባርን ኣብ ዘኽእሉ ዛዕባታት ይዝተ ከምዘሎ ተገሊፁ።

ኣዶ መንበር ትካል ሰላም ደቂ ኣኒስቲዮ ዓለም ህዩን ሶክ ዩን፥ ኣብ ኩሉ ኩርናዓት ዓለም ዝረኣዩ ኣዕነውቲ ጎንፂታት ደው ንምባል፣ ሰላም ትካላዊ ንምግባርን ዕለታዊ መምርሒ ህይወት ምግባርን ከምዘድሊ ሓቢረን።

ትካለን ምስ ማሕበራት ደቂ ኣኒስቲዮ፣ ላዕለዎት ትካላት ትምህርቲን መራሕቲ ማሕበረሰብን ብምትሕብባር ዘካይዶም ዘሎ ስራሕቲ ውፅኢት የመዝገብ ከምዘሎ ገሊፀን።

ፕሬዚዳንት ኔትወርክ ማሕበራት ደቂ ኣኒስቲዮ ኢትዮጵያ ሳባ ገብረመድህን፣ ፕሬዚዳንት ማሕበር መምህራን ኢትዮጵያ ዮሃንስ በንቲ(ዶ/ር) ንኢትዮጵያ ብምውካል ኣብቲ ጉባኤ ከምዝተረኸቡ ተገሊፁ።

ብወንደሰን ኣረጋኸኝ