ውድድር ፋና ላምሮት ምዕራፍ 18 ይካየድ ኣሎ

ኣዲስ ኣበባ፣ 19 ታሕሳስ፣ 2017 (ኤፍ ኤም ሲ)ንዝሓለፉ 10 ኣዋርሕ ብዝነኣድ መገዲ ክካየድ ዝፀንሐ ውድድር ፋና ላምሮት ምዕራፍ 18 ሎሚ ካብ ሰዓት 6፡00 ቀትሪ ጀሚሩ ይካየድ ኣሎ።

ናብ ናይ መዛዘሚ ምዕራፍ ዝበፅሑ፥ ማዕረግ ሃይሉ፣ እየሩሳሌም ኣሰፋ፣ ግሩም ነብዩን እዮቤል ፀጋዬን ኣብ ሰለስተ ዙር ዝሓረይዎም ሙዚቃታት ኣብዚ ዕለት ምስ ባንድ ዛየን የቕርቡ ኣለዉ።

ብድሙቕ ስነ ስርዓት ኣብ ዝሳለጥ እቲ መዛዘሚ ውድድር፥ ፋና ቴሌቭዥን 1 ሚሊየን ብር ሽልማት ኣዳሊዩ ኣሎ።

እቲ ሽልማት፥ ብር 400 ሺሕ፣ ብር 300 ሺሕ፣ ብር 200 ሺሕ ከምኡውን ብር 100 ሽሕ ካብ ቀዳማይ ክሳብ ራብዓይ ንዝወፅኡ ብቕደም ሰዓብ ክወሃቦም ኢዩ።

ሎሚ ዝካየድ መዛዘሚ ውድድር፥ ብኽልቲኦም ቻናላት ፋና ቴሌቭዥን፣ ፋና ኤፍኤም 98.1ን ክልል ኤፍኤማትን ከምኡ ’ውን ብፋና ፌስቡክን ቴሌግራምን ገፃታትና  ብቐጥታ ፈነወ ይመሓላለፍ ኣሎ።

እቲ ብቐጥታ ፈነወ ዝመሓላለፍ ውድድር፥ ብምክትታልን ብኮድ ተወዳደርቲ ሓፂር መልእኽቲ ፅሑፍ ብ8222 ብምልኣኽን እናተሃደስኩም ንክትድግፉ ንእንግድ።