ወ/ሮ ሙፈሪሃት ካሚል ምስ ኣምባሳደር ኮሪያ ሪፐብሊክ ዘቲየን

‎ኣዲስ ኣበባ፣ 2 መጋቢት፣ 2017 (ኤፍ ኤም ሲ)ሚኒስትር ስራሕን ክእለትን ወ/ሮ ሙፈሪሃት ካሚል ምስ ኣምባሳደር ኮሪያ ሪፐብሊክ ጁንግ ካንግ ዘቲየን።

እቲ ዘተ፥ ብምትሕብባር ምስራሕ ኣብ ዘኽእሉ ዛዕባታት ጠመተ ዝገበረ ከምዝኾነ ተገሊፁ።

እተን ሚኒስትር ኣብ ማሕበራዊ ሚዲየአን ኣብ ዘመሓላለፍኡ መልእኽቲ፥ ኣብ ልምዓት ክእለት፣ ስራሕቲ ሽግግር ፍልጠትን ቴክኖሎጂን ብምትሕብባር ንምስራሕ ተረዳዲእና ኢለን።

ኮሪያ ኣብ ዓውዲ ቴክኒክን ሙያን ንኢትዮጵያ ጠንካራ ደገፍ ካብ መንጎ ዝገብራ ሃገራት ሓንቲ ከምዝኾነት ሓቢረን።

ስለዝኾነ እቲ ምትሕብባር ንዘሎ ርክብ ክብ ኣብ ምባል ልዑል ግደ ከምዘለዎ ገሊፀን።