ወፃኢን ኣታዊን ንግዲ ንምስላጥ ዝተፈላለዩ ኣማራፂታት ኣገልግሎት ወደብ ንምጥቃም ይእራሕ ኣሎ – በዓል መዚ ማሪታይም ኢትዮጵያ

ኣዲስ ኣበባ፣ 1 ሰነ፣ 2014 (ኤፍ ቢ ሲ)ወፃኢን ኣታዊን ንግዲ ኢትዮጵያ ንምስላጥ ዝተፈላለዩ ኣማራፂታት ኣገልግሎት ወደብ ንምጥቃም ብዕቱብ እናተሰርሐ ምዃኑ በዓል መዚ ማሪታይም ኢትዮጵያ ገሊፁ።

ምክትል ዳይሬክተር እቲ በዓል መዚ ያብባል ኣዲስ፥ ፍርያታት ሓፂንን ፈሓምን ብወገን ወደብ ቡታጁራ ናብ ሃገር ንኸኣትዉ ምግባሩ ኣብ ወደብ ጂቡቲ ዝነበረ ምጭንናቕ ከምዝነከዮ ተዛሪቦም።

ንሓንቲ ሃገር ዝሓሸ ኣፈፃፅማ ሎጂስቲክስ ኣማራፂታት ወደብ ምጥቃም ብመሰረታዊነት ዝረአን ወፃኢን ኣታዊን ንግዲ ዘሳልጥን ከምዝኾነ ዝገለፁ እቶም ምክትል ዳይሬክተር፥ ኢትዮጵያ ኣብ ሎጂስቲክስ ዘለዋ ትሑት ደረጃ ንምምሕያሽ ኣብ መሪሕ ትልሚ ልምዓት 10 ዓመት ዝተፈላለዩ መመሓየሺታት እናተትግበሩ ከምዝኾኑ ገሊፆም።

ኣፈፃፅማ ሎጂስቲክስ ንምምሕያሽ ኣብ ኣማረፅቲ ኣገልግሎት ወደብ ትኹረት ከምዝተገበረ ብምሕባር፥ ኣማራፂታት ወደብ ምጥቃም ኣብ ወደባት ዝህሉ ምጨንናቕ ብምንካይ ፅግዕተኛ ወደብ ከይህሉ ዓቢዪ ኣስተዋፅኦ ዝገብር ኢዩ እውን ኢሎም።

ወፃኢን ኣታዊን ንግዲ ንምስላጥ ዝተፈላለዩ ኣማራፂታት ኣገልግሎት ወደብ ንምጥቃም እናተሰርሐ ከምዝኾነ እቶም ምክትል ዳይሬክተር ምግላፆም ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።