ኮርፖሬሽን ኢንጂነሪንግ ኢንዱስትሪ ምክልኻል እኹል ወታደራዊ ፍርያታት ንምፍራይ ይሰርሕ ኣሎ

ኣዲስ ኣበባ፣ 8 ነሓሰ፣ 2015 (ኤፍ ቢ ሲ)ሰራዊት ምክልኻል ኣድላዪ ዕጥቂ ተዓጢቑ ሃገሩ ንኽሕሉ ወታደራዊ ፍርያታት ብእኹል መጠን ንምፍራይ እናርሐ ምዃኑ ኮርፖሬሽን ኢንጂነሪንግ ኢንዱስትሪ ምክልኻል ኣፍሊጡ።

እቲ ኮርፖሬሽን÷ ኣብ ኣፈፃፅማ ስራሕ በጀት ዓመት 2015 ዓ.ምን ኣተገባብራ ትልሚ በጀት ዓመት 2016 ዓ.ምን ጠሚቱ ንክልተ መዓልቲ እናካየዶ ዝፀንሐ መድረኽ ዘተ ዛዚሙ።

ሓለፍቲ ስራሕ ኣብ ትሕቲ እቲ ኮርፖሬሽን ናይ ዝርከቡ ክፍሊታት ዝርዝር ፀብፃብ ኣቕሪቦም ሰፊሕ ልዝብ ተገይሩሎም።

ትካል ምክልኻል ዝጀመሮም ስራሕቲ ሪፎርም ተግባራዊ ኣብ ምግባርን ንስራሕ ዕንቅፋት ዝኾኑ ጉዳያ ምስ መዳርግቲ ኣካላት ተዘራሪቡ እናፈትሐ ብዘተኣማምን መልክዑ ናብ ፍርያት ክኣቱ ከምዝተገበረ ተሓቢሩ።

እቲ ኮርፖሬሽን ኣብዚ ሕዚ እዋን ኣታዊኡ ብምድንፋዕ፣ ተተሓሓዝቲ ስራሕቲ ሕርሻ ብምስላጥን ዓበይቲ ማሽናት ብምግዛእን ዝተውሃቦ ልኡኽቶ ብትግሃት ንምፍፃም ልዑል ርብርብ እናገበረ ከምዝርከብ እውን ተገሊፁ።

በቢደረጅኡ ዝርከቡ ኣመራርሓን ኣባላትን እቲ ኮርፖሬሽን ካብቲ መድረኽ ዘተ ብዙሓት እታወታት ከምዝረኸቡን ሃገር ብእትጠልቦ መጠን ንምስራሕ ከምዝተሰናድኡን ገሊፆም።

#Ethiopia

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com/…

ሓዱሽ መተግበሪ ፋና ብሮድካስቲንግ ኮርፖሬት https://play.google.com