ክሳብ ሕዚ ዘሎ ከይዲ መረፃ ብፅቡቕ ኩነታት ይካየድ ኣሎ – ጉጅለ ተዓዛቢ መረፃ ሕብረት ኣፍሪካ

ኣዲስ ኣበባ ፣ 14 ሰነ፣ 2013 (ኤፍ ቢ ሲ)ክሳብ ሕዚ ዘሎ ከይዲ መረፃ ብፅቡቕ ኩነታት እናተኻየደ ከምዝኾነ መራሒ ጉጅለ ተዓዛቢ መረፃ ሕብረት ኣፍሪካን ነበር ፕሬዚዳንት ናይጄሪያን ኦሊሴንጎ ኦባሳንጆ ገሊፁ።

ጉጅለ ተዓዛቢ መረፃ ሕብረት ኣፍሪካ፥ ሎሚ መዓልቲ ረፋድ ኣብ ኣዲስ ኣበባ ክልል መረፃ 21/22 ጣቢያ መረፃ 4ን 5ን ከይዲ ኣወሃህባ ድምፂ ብኣካል ተረኺቡ ተዓዚቡ።

መራሒ እቲ ጉጅለ ዝኾኑ ኦሊሴንጎ ኦባሳንጆ፥ “እቲ ጉጅለ ካብ ዝኣተወሉ ጀሚሩ ከይዲ መረፃ ብዝተፈላለየ መልክዑ እናተኸታተለ ፀኒሑ” ኢሉ።

ምድላው መረፃ ብዝምልከት ሕብረት ኣፍሪካ ሓዊሱ ምስ ላዕለዎት ሓለፍቲ ስራሕ መንግስቲ ተራኺቡ ስፍሕ ዝበለ ልዝብ ከምዝገበሩ ገሊፆም።

ምስ ብሄራዊ ቦርድ መረፃ፣ ትካላት ፀፅታ፣ ተናሓናሕቲ ፓርቲታትን ካልኦት ኣካላትን እውን ምድላው እቲ መረፃ ዝምልከት ዘተ ምግባሩ ኣብሪሆም።

ፀገም ለበዳ ቫይረስ ኮሮና፣ ፀፅታን ሎጂስቲክስን ይረኣዩ እምበር፥ ኣፈፀምቲ መረፃ ነዚ ተፃዊሮም መረፃ እናፈፀሙ ከምዝኾኑ ገሊፆም።

ክሳብ ሕዚ ዘሎ ከይዲ መረፃ ብፅቡቕ ኩነታት እናተኻየደ ከምዝርከብን ኣብ ፅቡቕ ብርኪ ከምዝርከብን እውን እቶም መራሒ ጉጅለ ተዓዛቢ መረፃ ሕብረት ኣፍሪካ ኣፍሊጦም ክብል ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።