ኩለን ከተማታት ክልል ኦሮሚያ ኣብ ስራሕቲ ሕርሻ ከተማ ይሳተፋ ኣለዋ – ርእሰ ምምሕዳር ሽመልስ ኣብዲሳ
ኣዲስ ኣበባ፣ 3 ነሓሰ፣ 2015 (ኤፍ ቢ ሲ)ኣብዚ ሕዚ እዋን ኩለን ከተማታት ክልል ኦሮሚያ ኣብ ስራሕቲ ሕርሻ ከተማ እናተሳተፋ ምዃነን ርእሰ ምምሕዳር እቲ ክልል ሽመልስ ኣብዲሳ ገሊፆም።
እቶም ርእሰ ምምሕዳር ኣብ ማሕበራዊ ሚዲያ ገፆም ኣብ ዘመሓላለፉዎ መልእኽቲ÷ “ከተማታትና ካብ ገፀር ዝመፅእ ፍርያት ካብ ምዃን ተላቒቐን ኣፍረይቲ ንኽኾና መንግስቲና ግልፂን ኣብ መፅናዕቲ ዝተመስረተ ሽቶ ጋህዲ ንምግባር ይሰርሕ ኣሎ” ኢሎም።
ቀዳማይ ስታራቴጂ መንግስቲ ከተማታት ብቐጥታ ኣብ ስራሕቲ ሕርሻ ክዋፈሩ ብምግባር ውሕስና ምግቢ ንምርግጋፅ ኣብ ዝሰርሖ ስራሕ ዘለወን ግደ ምድንፋዕ ከምዝኾነ እውን ገሊፆም።
እዚ ንምዕዋት ድማ ኣብ ዝሓለፉ ክልተ ዓመታት ኣብ ኩለን ከተማታት ክልል ኦሮሚያ ብዝተሰርሐ ስራሕቲ ምፍላጥ ሕርሻ ከተማ ኣብዚ ሕዚ እዋን ኩለን ከተማታት ኣብ ፍርያት እናተሳተፋ ከምዝኾና አመልኪቶም።
ቁፅሪን ዓይነትን ፍርያት በቢዓመቱ እናወሰኸ ከምዝኾነ ዝሓበሩ እቶም ርእሰ ምምሕዳር÷ ኣብ ዘበነ ምህርቲ 2015 ዓ.ም ኣብ 42 ሺሕን 500 ሄክታር መሬት ከተማ ብዝራእቲ ብምሽፋን 1 ነጥቢ 3 ሚሊየን ፍርያት ምርካብ ከምዝተኸኣለ ገሊፆም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com