ከይዲ ስራሕ ልምዓት ኮሪደር ሳርቤት ኣደባባይ-መካኒሳ-ፉሪ ሃና ተገምጊሙ

ኣዲስ ኣበባ፣ 22 ሕዳር፣ 2017 (ኤፍ ቢ ሲ)ካብ ሳርቤት ኣደባባይ-መካኒሳ-ፉሪ ሃና እናተሃነፀ ዝርከብ ስራሕቲ ልምዓት ኮሪደር ዝርከበሉ ከይዲ ከምዝተገምገመ ከንቲባ ምምሕዳር ከተማ ኣዲስ ኣበባ ኣዳነች ኣቤቤ ገሊፀን።

እተን ከንቲባ ኣብ ማሕበራዊ ሚዲያ ገፀን ከምዝሓበረኦ፤ ስራሕቲ ልምዓት ኮሪደር 18 ኪሎ ሜትሮ ዝሽፍን ኢዩ።

ኣብቲ ካባቢ ዘሎ ልዑል ምጭንናቕ ትራፊክ ንምቅላል ደረጃ እቲ መገዲ ምምሕያሽ፣ ሓምለዋይ ልምዓት፣ መዘናግዒ ህዝቢ ፕላዛታት፣ መፃወቲ ህፃናትን ሰፋሕቲ ናይ እግረኛታት መገዲታትን ዘካተተ ከምዝኾነ ገሊፀን።

ብብርኪ ከተማ ካብ ዝተጀመረ ስራሕቲ ልምዓት ኮሪደር ብተወሳኺ ክፍለ ከተማ ንፋስ ስልክ ላፍቶ እውን ማሕበረሰብብምትሕብባር ተወሳኺ ስራሕቲ ሓምለዋይ ልምዓት ኣብ ምህናፅ ከምዝርከብ ኣብሪሀን።

እቲ ልምዓት ኮሪደር ኣብ ኣቃቂ ቃሊቲ ምስ ዝተጀመረ ዝገጥም ከምዝኸውን ሓቢረን።