ከንቲባ ኣዳነች ኣቤቤ ምስ ዳይሬክተር ባንኪ ዓለም ኣብ ኢትዮጵያ ተዛቲየን

ኣዲስ ኣበባ፣ 6 ሕዳር፣ 2017 (ኤፍ ቢ ሲ)ከንቲባ ምምሕዳር ከተማ ኣዲስ ኣበባ ኣዳነች ኣቤቤ ዳይሬክተር ባንኪ ዓለም ኣብ ኢትዮጵያ፣ ኤርትራ፣ ሱዳንን ደቡብ ሱዳንን ምስ ዝኾና ማርያም ሳሊም  ተዛቲየን።

እተን ከንቲባ ኣብ ማሕበራዊ ሚዲያ ገፀን ኣብ ዘመሓላለፈኦ መልእኽቲ፤ እቲ ዘተ ዕዉት ከምዝነበረ ገሊፀን።

እተን ዳይሬክተር ኣብታ ከተማ እናተሰርሐ ዝርከብ ስራሕ ከምዝተዓዘባ ዝገለፃ ከንቲባ ኣዳነች÷ ድሕሪ እቲ ዑደት ብዝበለፀ ንምድጋፍ ዘኽእል ዘተ ከምዘካየዳ ገሊፀን፡፡

ከንቲባ ኣዳነች÷ ባንኪ ዓለም ምምሕዳር ከተማና ኣብ ፈጠራ ዕድል ስራሕ ደቂ ኣንስትዮን መናእሰይን፣ ህንፀት ዓቕሚ፣ ኣብ ምገባ ተምሃሮን፣ ዘፈር ትራንስፖርትን መገዲን ከምኡ እውን ኣብ ስርዓት ምውጋድ ፈሳሲ ሓገዝ እናገበረ ከምዝርከብ ሓቢረን፡፡