ከተማ መቐለ ተጋሩ ጥራሕ እንተይኮኑስ ካልኦት እውን ዝብህግዋ ዓለም ለኻዊት ከተማ ክንገብራ ኢና- ዶ/ር ደብረፅዮን ገብረሚካኤል

ኣዲስ ኣበባ፣ 7 ለካቲት፣ 2012 (ኤፍ ቢ ሲ)ከተማ መቐለ ተጋሩ ጥራሕ እንተይኮኑስ ካልኦት እውን ዝብህግዋ ዓለም ለኻዊት ከተማ ንምግባር ከምዝስራሕ ምኽትል ርእሰ ምምሕዳር ትግራይ ዶክተር ደብረፅዮን ገብረሚካኤል ገሊፆም።

መበል 45 ዓመት ምጅማር ብረታዊ ቃልሲ ህዝቢ ትግራይ ፅምብል በዓል 11 ለካቲት ምኽንያት ብምግባር ስነ-ስርዓት ምረቓ ኣስፋልትን ኣደባባይ ኣግኣዚን ከተማ መቐለ ሎሚ መዓልቲ ተሳሊጡ።

እቲ ዝተመረቐ ኣስፋልት መንገዲ ስርዓት ደርጊ ንተጋሩ ተጋደልቲ ዘሳቅየሉ ዝነበረ ቤት ማእሰርቲ ከምዝነበረ ተገሊፁ።

ኣብቲ ስነ-ስርዓት ምረቓ ንዶክተር ደብረፅዮን ገብረሚካኤል ሓዊሱ፥፣ ኣፈ ጉባኤ ቤት ምኽሪ ፌዴሬሽን ወይዘሮ ኬሪያ ኣብራሂም፣ ወይዘሮ ፈትለወርቅ ገብእግዚኣብሄርን ካልኦት ላዕለዎት ሓለፍቲ ስራሕ ክልልን ከተማ መቐለን ተረኺቦም።

እቶም መገዲታትን ኣደባባይን ካብ ሎምዓንቲ ጀሚሮም ንግልጋሎት ክፍቲ ዝኾኑ እንትኾኑ፥ ዶ/ር ደብረፅዮን ሓዊሱ ኣብቲ ስነ ስርዓት ምረቓ ዝተረኸቡ ላዕለዎት ሓለፍቲ መንግስቲ ኣብ ኣደባባይ ኣግኣዚ ፈልሲ ተኺሎም።

ኣብ ከተማ መቐለ በዓል 11 ለካቲት ምኽኒያት ብምግባር ልዕሊ ብር 1 ነጥቢ 3 ቢልየን ወፃኢ ዝግበረሎም ኣብያተ ትምህርቲ፣ ጣብያታት ጥዕናን ዘመናዊ መናሃርያን ንምህናፅ ትማሊ ስነ-ስርዓት ምቕማጥ እምነ ኹርናዕ ምስላጡ ይዝከር።

ዮናታን ግዛቸው

እዋናውን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana