እዮቤል ፀጋዬ ተዓዋቲ ውድድር ፋና ላምሮት ምዕራፍ 18 ኮይኑ

ኣዲስ ኣበባ፣ 19 ታሕሳስ፣ 2017 (ኤፍ ኤም ሲ)ንዝሓለፉ 10 ኣዋርሕ ምስ ዝነኣዱ ተወዳደርቲ ሓቢረሙኹም ዝፀንሑ ተወዳደርቲ ፋና ላምሮት ሎሚ ኣብ ዝተሳለጠ  ምዕራፍ 18 መዛዘሚኡ ረኺቡ።

ብመሰረት እዚ እዮቤል ፀጋዬ ተዓዋቲ ውድድር ፋና ላምሮት ምዕራፍ 18 ኮይኑ።

ናብ ናይ መዛዘሚ ምዕራፍ ዝበፅሑ፥ ማዕረግ ሃይሉ፣ እየሩሳሌም ኣሰፋ፣ ግሩም ነብዩን እዮቤል ፀጋዬን ኣብ ሰለስተ ዙር ዝሓረይዎም ሙዚቃታት ኣብዚ ዕለት ምስ ባንድ ዛየን ኣቕሪቦም።

ብድሙቕ ስነ ሰርዓት ኣብ ዝተሳለጠ እቲ ውድድር ድምፃዊ ዳዊት ፅጌ ብክብሪ ጋሻ ተረኺቡ።

ኣብዚ ምዕራፍ፥ እዮቤል ፀጋዬ ቀዳማይ ብምውፃእ  400 ሺሕ ብር ተሸሊሙ።

ግሩም ነብዩ ካልኣይ ደረጃ ብምሓዝ 300 ሺሕ ብር፣ ማዕረግ ሃይሉ ሳልሳይ ብምዃን 200 ሺሕ ብር ከምኡውን እየሩሳሌም ኣሰፋ ራብዓይ ደረጃ ብምሓዝ 100 ሺሕ ብር  ሽልማት ተበርኪቱሎም።