ኤጀንሲ ኣቕራቢ ኣፋውስ ኢትዮጵያ ልዕሊ ብር 134 ሚሊየን ግምታዊ ዋጋ ዘለዎም ኣፋውስን ናውቲ ሕክምናን ኣብ ክልል ትግራይ የከፋፍል ኣሎ

ኣዲስ ኣበባ፣ 12 ሚያዝያ፣ 2013 (ኤፍ.ቢ.ሲ)ኤጀንሲ ኣቕራቢ ኣፋውስ ኢትዮጵያ ጨንፈር መቐለ ልዕሊ ብር 134 ሚሊየን ግምታዊ ዋጋ ዘለዎም ኣፋውስን ናውቲ ሕክምናን ኣብ ክልል ትግራይ ንዝርከባ ትካላት ጥዕና እናከፋፈለ ምዃኑ ኣፍሊጡ።

መካየዲ ስራሕ እቲ ጨንፈርኣይተ ኣለማየሁ ገብረማርያም ንግልጋሎት ዜና ኢትዮጵያ ከምዝገለፁዎ፥ እቲ እናተኸፋፈለ ዝርከብ ኣፋውስን ናውቲ ሕክምና ኣብቲ ክልል ኣገልግሎት እናሃባ ንዝርከባ 50 ትካላት ጥዕና ኢዩ።

እቲ ኤጀንሲ፥ ቅድም ክብል እውን ኣብቲ ክልል ንዝርከባ ትካላት ጥዕና እናከፋፈለ ከምዝነበረ ገሊፁ።

ኣብ ቢሮ ጥዕና ግዚያዊ ምምሕዳር ክልል ትግራይ መተሓባበሪ ግልጋሎት ቀረብ ኣፋውስ ኣይተ ገብረእግዚአብሔር ወልደጊዮርጊስ ብግደኦም፥ እቲ ኤጀንሲን ሚኒስቴር ጥዕናነ ሕብረተሰብ ካብ ተቓላዕነት ሕማም ንምክልኻል እናገበሩዎ ዝርከቡ ሓገዝ ኣጠናኺሮም ንኽቕፅሉ ኣገንዚቦም።

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ

ይግበሩ/ራ!