ኣገልግሎት ባንኪ ኣብ ከይዲ ንውድድር ዓለም ለኸ ክፍቲ ብምግባር ባንክታት ዓቕመን እንዳዕበያ ንክኸዳ ምስራሕ ይግባእ-ኣይተ ኣቤ ሳኖ

ኣዲስ ኣበባ፣ 19 ግንቦት ፣ 2014 (ኤፍ ቢ ሲ) ኣገልግሎት ባንኪ ውሽጢ ዓዲ ቀስ ብቐስ ንውድድር ዓለም ለኸ ክፍቲ ብምግባር ባንክታት ዓቕመን እናማዕበላ ንከኸዳ ምስራሕ ከምዝግባእ ፕሬዝዳንት ባንኪ ንግዲ ኢትዮጵያ ኣቤ ሳኖ ተዛሪቦም።

ባንክታት ውሽጢ ዓዲ ልዕሊ ዓቕሚ ብዝኾነ ውድድር ካብ ዕዳጋ ወፃእ ንከይኾና ንምግባር ዘፈር ኣገልግሎት ባንኪ ንዕዳጋ ዓለም ዕጽዉ ኮይኑ ምፅንሑ ይፍለጥ።

ኣይተ ኣቤ ሳኖ ዘፈር ኣገልግሎት ባንኪ ንዕዳጋ ዓለም ዕጽዉ ብምግባር ዓቕሚ ባንክታት ውሽጢ ዓዲ ምህናፅ ከምዘይከኣል ተዛሪቦም።

እቲ ኣገልግሎት ባንኪ ምስተዓጸወ ምፅናሕ ዕቤት ባንክታት ውሽጢ ዓዲ ከምዘዳኽሞ ድሕሪ ምሕባር፥ ብኣንፃሩ ኣገልግሎት ባንኪ ንዕዳጋ ዓለም ምኽፋት ባንክታት ውሽጢ ዓዲ ንክወሓጣ ከምዝገብር ኣረዲኦም።

ብምዃኑ ድማ ኣገልግሎት እቲ ባንኪ ቀስ ብቐስ ንውድድር ዓለም ለኸ ክፍቲ ብምግባር ባንክታት ውሽጢ ዓዲ ዓቕሚ ውድድረን እናማዕበላ ንክኸዳ ምስራሕ ከምዝግባእ ገሊፆም።

ዓቕሚ ባንክታት ዝህነፅ ዕዳጋ ብምዕፃው ዘይኮነስ ብዓቕመን ዝወዳደራሉ ኣሰራርሓ ብምዝርጋሕ ምዃኑ እውን ጠቒሶም።

ብዝተወሰነ ብፅሒት ኣክስዮን ባንክታት ወፃኢ ንክኣትዋ ብምግባር ኣብ ከይዲ መጠን ኣክሲዮነን እንዳዕበያ ዝኸዳሉ ኣሰራርሓ ምዝርጋሕ ከምዝግባእ ምምልኻቶም ግዜኢ ፀብፂቡ።