ኣዲስ ኣበባ ምስ ኳላላምፑር ዘለዋ ርክብ ተጠናኺሩ ክቕፅል ኢዩ – ከንቲባ ኣዳነች

ኣዲስ ኣበባ፣ 25 ጥቅምቲ፣ 2017 (ኤፍ ቢ ሲ)ከተማታት ኣዲስ ኣበባን ኳላላምፑርን ዘለወን ርክብ ብዝበለፀ ተጠናኺሩ ንኽቕፅል ክንሰርሕ ኢና ክብላ ከንቲባ ምምሕዳር ከተማ ኣዲስ ኣበባ ኣዳነች ኣቤቤ ገሊፀን፡፡

ከንቲባ ኣዳነች÷ “ኣብ ማሌዥያ ኣብ ዝገበርናዮ ዑደት ምክትል ከንቲባ ኳላላምፑር ኢስማዲ ቢን ሳኪሪንን ኣመራርሓ እታ ምምሕዳር ከተማ ድሙቕ ኣቀባብላ ገይሮምልና” ኢለን።

ኣብ ሞንጎ ከተማታት ኣዲስ ኣበባን ኳላላምፑርን ዘሎ ኩለመዳይ ምትእስሳር ተጠናኺሩ ከምዝቕፅል እውን ኣብ ማሕበራዊ ሚዲያ ገፀን ኣብ ዘመሓላለፈኦ ፅሑፍ ገሊፀን፡፡

ብመሰረት እዚ ብፍላይ ኣብ ዓውዲታት ፕላን ከተማ፣ ሓምለዋይ ልምዓት፣ ሓለዋ ከባቢን ክንክንን፣ ኣብ መዘናግዒ ህዝቢ፣ ኢንቨስትመንት፣ ጥዕና፣ ንግዲን ቱሪዝምን ብዝበለፀ ተቐራሪብካ ምስራሕ ኣብ ዝከኣለሎም መገዲታት ከምዝተዛተያ ኣብሪሀን፡፡