ኣይተ ደመቀ ምስ ኣባል ኮንግረንስ ኣሜሪካ ትሬንት ኬሊን ተዛቲዮም

ኣዲስ ኣበባ፣ 25 ግንቦት፣ 2014 (ኤፍ ቢ ሲ)ምክትል ቀዳማይ ሚኒስትርን ሚኒስትር ጉዳያት ወፃኢን  ኣይተ ደመቀ መኮነን ምስ ኣባል ኮንግረንስ ኣሜሪካ ትሬንት ኬሊን ተዛቲዮም።

ኣብ ሰሜን ኢትዮጵያ ዘጋጠመ ጎንፂ ንዝተጎድኡ ሰባት ሰብኣዊ ሓገዝ ንምቕራብ፣ ተሓታትነት ሰብኣዊ ግህሰትን ዘላቒ ሰላም እዛ ሃገርን ንምርግጋፅ ብዝተወሰዱ ስጉምቲታት ኣይተ ደመቀ ኣብሪሆም።

ትሬንት ኬሊን፥ ኣሜሪካ ምስ ኢትዮጵያ ዘለዋ ረኽቢ ንምጥንኻር ንግልፅነት ኣሰራርሓ ዋጋ ከምእትህብ ብምሕባር ኤች ኣር 6600ን ኤስ 3199ን ከምዘይድግፉ ገሊፆም።

መንግስቲ ኢትዮጵያ ዘላቒ ሰላም ንምንጋስ ዝገብሮ ፃዕሪ ከምዝከታተሉን ኢትዮጵያውያን ዝጎድእ ረቂቕ ሕጊ ከምዘይፀድቁ ዘለዎም እምነት ሓቢሮም።

ኣብ ትግራይ ዝተፈፀመ ግህሰት ሰብኣዊ መሰል ገለልተኛ ምርመራ ንኽኻየድን ተሓታትነት ንምርግጋፅን ብዝተወሰደ ስጉምቲ ብዝምልከት ኣይተ ደመቀ ኣብሪሆም።

ኣዋጅ ህፁፅ እዋን ምልዓሉ፣ ብዙሓት እሱራት ምፍትሖም፣ መንግስቲ ኣብዛ ሃገር ዘተን ዘላቒ ሰላምን ንምንጋስ ሃገራዊ ዘተ ኮሚሽን ብምጥያሽ ዝተፈላለዩ ስራሕቲ ምስርሑ ኣረዲኦም።

ይኹን እንበር ግብረ ራዕዲ ህወሓት ንቐፃሊ ዙር ኲናት ይዳሎ ከምዘሎ ገሊፆም።

ኣሜሪካን ማሕበረሰብ ዓለምን ግብረ ራዕዲ ህወሓት ፀረ ሰላም ተግባራቱ ንክገድፍ ፅዕንቶ ክገብሩ መሕታቶም ካብ ሚኒስቴር ጉዳያት ወፃኢ ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።