ኣይተ ደመቀ መኮንን ኣብ ግምባር ወሎ ተረኺቦም ኣብቲ ቦታ ንዝርከብ ሰራዊት ምክልኻል ሃገር ኣበረታቲዖም

ኣዲስ ኣበባ ፣ 9 ነሓሰ፣ 2013 (ኤፍ ቢ ሲ)ምክትል ቀዳማይ ሚኒስትርን ሚኒስትር ጉዳያት ወፃኢን ኣይተ ደመቀ መኮንን ኣብ ግምባር ወሎ ወረዳ ኣምባሰል ከተማ ውጫሌ ንዝርከብ ሰራዊት ምክልኻል ሃገር ኣበረታቲዖም።

እቶም ምክትል ቀዳማይ ሚኒስትር ከምዝገለፁዎ፥ ሰራዊት ምክልኻል ሃገር እዛ ሃገር ዘጋጠሙዋ ፈተናታት ፊትንፊት ብምግፋጥ መስዋእቲ እናኸፈለ ዝርከብ ህዝባዊ ሰራዊት ኢዩ።

ግብረ ራዕዲ ህወሓት ሃገር ንምብታን ብዘለዎ ድሌት ንሰራዊት ምክልኻል ብድሕሪቱ ኮይኑ ንምውጋእ ይፈትን እምበር ብናይ ሓባር ቅልፅም ኣባላት ጅግና ሰራዊት ምክልኻልን መላእ ህዝቢ ኢትዮጵያን ልዑል ሰብኣዊን ቁሳዊን ሳራ እናበፅሖ ከምዝርከብ ገሊፆም።

ኣብ ዝተፈላለዩ ከባቢታት ክልላት ዓፋርን ኣምሓራን ዝርከቡ ዜጋታት እቲ ጉጅለ ብምምዝባል፣ ብምርሻንን፣ ሃፍቲን ንብረትን ከዓኑ ብምግባር፣ ህፃናትን ደቂ ኣንስትዮን ብምድፋር፣ ናብራ ህዝቢ ንምምሕያሽ ዝተዘርግሑ መሰረተ ልምዓታት ብምዕናውን ካልኦት ዝዓበየሎም ሽርሒታትን ኩሎም ኣብ ልዕሊ ህዝቢ ብምፍፃም ንኢትዮጵያ ዘለዎ ፅለኣት ብተግባር እናርአየ ከምዝኾነ  ኣብሪሆም።

ጅግና ሰራዊት ምክልኻል መርኣያ ክብሪን ኩርዓትን ኢትዮጵያ ከምዝኾነ ዝሓበሩ ኣይተ ደመቀ፥ ብቓልሲ ሰራዊት ምክልኻል፣ ካልኦት ሓይሊታት ፀፅታን መላእ ኢትዮጵያውያንን እቲ ጉጅለ ግብረ ራዕዲ ተደምሲሱ ኢትዮጵያ ተዓዋቲት ትኾነሉ ግዘ ርሑቕ ከምዘይኸውን ተዛሪቦም።

ኣብ ቀፃሊ እውን ህዝቢ ናይ ውሽጢን ወፃኢን ሓይሊታት ክፍፅሙዎ ዝኽእሉ ዝኾነ ይኹን መጥቃዕቲ ዝምጥንስነ-ልቦናን ወታደራዊ ምድላውን ተላቢሱ ኣብ ህላውኡ ዝመፅእ ፀላኢ ንምድምሰስ እናተገበረ ዝርከብ ፃዕሪ ንኽሕግዝ ፃውዒት ምቕራቦም ካብ ቤት ፅሕፈት ፓርቲ ብልፅግና ኣምሓራ ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።