ኣይተ መላኩ ኣለበል ምስ ጉጅለ ልኡኽ መንግስቲ ናይጄሪያ ተዛቲዮም
ኣዲስ ኣበባ፣ 30 ጥሪ፣ 2014 (ኤፍ ቢ ሲ)ሚኒስትር ኢንዱስትሪ ኣይተ መላኩ ኣለበል ምስ ጉጅለ ልኡኽ መንግስቲ ናይጄሪያ ተዛቲዮም፡፡
እቲ ጉጅለ ልኡኽ ናብ ኢትዮጵያ ዝመፅአ ካብ ዝተዋደደ ፓርክ ኣግሮ ኢንዱስትሪ ልምዲ ንምውሳድ ከምዝኾነ ተገሊፁ።
ኣይተ መላኩ ኣብቲ እዋን ዘተ ከምዝበሉዎ፥ መንግስቲ ኢትዮጵያ ኢኮኖሚኡ ካብ ሕርሻ ናብ መሪሕ ኢንዱስትሪ ንምስግጋር ይሰርሕ ኣሎ።
እቲ ትልሚ ንምዕዋት ድማ ኣርባዕተ ዝተዋደዱ ፓርክታት ኣግሮ ኢንዱስትሪ ንተግባር ፈተነ ተሃኒፆም ካብ ሞንጎ እዚኣቶም እቶም ሰለስተ ተመሪቖም ኣገልግሎት ምሃብ ከምዝጀመሩ እቶም ሚኒስትር ተዛሪቦም።
ታሪኻዊን ኢኮኖሚያዊን ርክብ ክልቲአን ሃገራት ካብዚ ንላዕሊ ምምሕያሽ ከምዝግባእ ገሊፆም።
መራሒ እቲ ጉጅለ ልኡኽን ሚኒሰስትር ሕርሻን እታ ሃገር ዶክተር ሞሃመድ ማሕሙድ ኣቡበከር ብግደኦም፥ ንዝተገበረሎም ኣቀባብላ ብምንኣድ ኣፍሪካ መሊኡ ዝፈሰሰን ዘይተነኽአ ሃፍቲን ከምዘለዋ ዘይከሓድ ከምዝኾነ ገሊፆም።
እቲ ጉጅለ ልኡኽ ኣብ ቀፃሊ መዓልቲታት ፓርኪታት ኣግሮ ኢንዱስትሪ ቡልቡላን ይርጋለምን ዑደት ክገብሩ ኢዮም ዝብል ትፅቢት ኣሎ፡፡
ንኢትዮጵያ፦ ነልምዕ፣ ንህነፅ፣ ንዳሎ
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።