ኣብ ዩኒቨርሲቲ ድሬዳዋ ኮንፈረንስ ሰላም ተሳሊጡ

ምክትል ፕዚዳንት ጉዳያት ምምሕዳር እቲ ዩኒቨርሲቲ ዶክተር ኡባ ኣደም ኣብ መኽፈቲ እቲ ኮንፈረንስ ሰላም ከምዝበሉዎ፥ ብዝተፈጠረ ስእነት ሰላም ካብ ምትእጉጓል ከይዲ ምምሃር ስትምሃርን ምጥፋእ ህይወት ተምሃሮን ሓሊፉ ማሕበረሰብ እቲ ከባቢ እውን ተጎዳኢ ኮይኑ ኢዩ።

ብቐጥታ ይኹን ብተዘዋዋሪ ኣብ ምብእኣስ እቲ ጎንፂ ተሳትፎ ዘለዎም ኣካላት ስጉምቲ እናተወሰደ ምዃኑ ዝገለፁ ዶክተር ኡባ፥ ሕዚ እውን ምፅራይ እናተገበረ ስጉምቲ ከምዝውሰድ ኣብሪሆም።

ተምሃሮ ድማ ዝመፅኡሉ ዕላማ ካብ ምዕዋት ወፃኢ መፈፀምቲ ኣጀንዳ ካልኦት ኣካላት ክኾኑ ኣይግባእን ክብሉ ኣተሓሳሲቦም።

ኣብቲ ኮንፈረንስ ዝተረኸቡ መራሕቲ ሃይማኖትን ዓበይቲ ዓዲን ብግደኦም፥ ተምሃሮ ዝመፅኡሉ ዕላማ ብመሓዝ ኣብ ትምህርቶም ጥራሕ ንኸድህቡ ፀዊዖም።