ኣብ ዝኾነ ይኹን ጫፍ ኢትዮጵያ ዝተምሃርኩም ኩሉኹም ዝተምሃርኩምሎም ኣቢያተ ትምህቲ ሎሚ ናትኩም ሓገዝ ይጠልቡ ኣለዉ – ቀ/ሚ ኣቢይ
ኣዲስ ኣበባ፣ 25 ሰነ፣ 2015 (ኤፍ ቢ ሲ)ኣብ ዝኾነ ይኹን ጫፍ ኢትዮጵያ ዝተምሃርኩም ኩሉኹም ዝተምሃርኩምሎም ኣቢያተ ትምህቲ ሎሚ ናትኩም ሓገዝ ይጠልቡ ኣለዉ ክብሉ ቀዳማይ ሚኒስትር ኣቢይ ኣሕመድ ፃውዒት ኣቕሪቦም።
ቀዳማይ ሚኒስትር ኣቢይ ኣሕመድ ብተሳትፎ ኩሎም ዜጋታን ትካላትን መሰረተ ልምዓት ኣቢያተ ትምህርቲ ንምምሕያሽ ኣብ ዝተሰናድአ ሃገር ለኸ ወፍሪ ምንቅስቓስ “ትምህርቲ ንወለዶ” ኣጀሚሮም፡፡
እቶም ቀዳማይ ሚኒስትር እቲ ምንቅስቓስ ኣብ ዘጀመሩሉ እዋን ኣብ ዝገበሩዎ መደረ÷ “ኣብ ዝኾነ ይኹን ጫፍ ኢትዮጵያ ዝተምሃርኩም ኩሉኹም ዝተምሃርኩምሎም ኣቢያተ ትምህቲ ናትኩም ሓገዝ ይጠልቡ ኣለዉ” ኢሎም።
ብዘይ ምስፍሕፋሕ ትምህርቲ ኣብ ዝመፅእ ዓለም ተወዳዳሪ ምዃን ስለዘይከኣል ብዛዕባ ትምህርቲ ሎሚ ትፅቢት ዝግበር ምውፃእ ከምዝግባእ ፃውዒት ኣቕሪቦም፡፡
“ሓገዝና ብተግባር ንምርኣይ ኩልና ብሓሳብ፣ ብገንዘብ፣ ብጉልበት ከምኡ እውን ዘለና ኩሉ ንኣቢያተ ትምህርቲ ንምውዓል ዘኽእለና ሃገራዊ ወፍሪ ምንቅስቓስ “ትምህርቲ ንወለዶ” ኣጀሚርና” ኢሎም።
ዝማዕበለት ኢትዮጵያ ንምህናፅ፤ ቀዲምካ ብሓባር ዝማዕበላ ኣቢያተ ትምህርቲ ምህናፅ ከምዝግባእ እውን ኣገንዚቦም፡፡
እቲ ወፍሪ ምንቅስቓስ÷ ናይ ቀደም ተምሃሮ፣ ፍሉጣት ውልቀ ሰባት፣ ኣብ ወፃኢ ዝነብሩ ኢትዮጵያውያንን ትውልደ ኢትዮጵያውያንን፣ ሰብ ሃፍቲ ከምኡ እውን ካልኦት ክፋላት ሕብረተሰብ ኣብ ትውልዲ ቦተቾም ኣብ ዝተምሃሩሉ ቦታን ኣብ ዝሰርሑሉ ከባቢን መሰረተ ልምዓታት ኣቢያተ ትምህርቲ ንምምላእ ኣስተዋፅ ዝገብሩሉ ከምዝኾነ ተገሊፁ፡፡
ብኣላዛር ታደለ
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com