ኣብ ዝሓለፉ 6 ዓማውቲ ኣመራኸትትቲ ምዕባለ ማክሮ ኢኮኖሚ ተራእዩ-ፍፁም ኣሰፋ(ዶ/ር)

ኣዲስ ኣበባ፣ 10 ሕዳር፣ 2017 (ኤፍ ቢ ሲ)ኣብ ዝሓለፉ 6 ዓማውቲ ኣመራኸትትቲ ምዕባለ ማክሮ ኢኮኖሚ ተራእዩ ክብላ ሚኒስትር ፕላንን ልምዓትን ፍፁም ኣሰፋ(ዶ/ር) ገሊፀን።

ናይ ነዊሕ እዋን ትራንስፎርሜሽን ኢኮኖሚ ንምዕዋት ዘጋጠሙ ፀገማት፣ ዝተሰርሑ ስራሕቲን ኣብ ቀፃሊ መስራሕ ዝግበኦም ተግባራትን ዝጠመተ ዘተ ምስ መዳርግተ ኣካላት ተሳሊጡ።

እተን ሚኒስትር፥ ኢትዮጵያ ናይ ነዊሕ እዋን ትራንስፎርሜሽን ኢኮኖሚ ንምዕዋት ኣብ ተረባሕነት ቴክኖሎጂ ብዘምትኳር ኣብ 60 ዓመታት ትፅቢት ዝግበር ምዕባለ ኢኮኖሚ ከየርኣየት ፀኒሓ ኢያ ኢለን።

ኣብ ዝሓለፉ 60 ዓመታት ኢኮኖሚኣ ብማእኸላይ 4 ነጥቢ 2 ሚኢታዊ እንተዓበየ እውን፥ ቁፅሪ ህዝባ በዝዓበዮ ልክዕ ምዕባለ ኢኮኖሚ ዘይምምፅኡ ኣረዲአን።

ይኹን እንበር ኣብ ዝሓለፉ ሽዱሽተ ዓመታት ይውሰዱ ብዘለዉ መመሓየሽቲ ኢኮኖሚ ኣመላኸትትቲ ምዕባለ ማክሮ ኢኮኖሚ ተራእዩ ኢለን።

ብኣሸናፊ ሽብሩን ፍቅርተ ከበደን