ኣብ ዘይሕጋዊ ንግዲ ነዳዲ ዝተዋፈሩ 34 ውልቀሰባት ኣብ ትሕቲ ቁፅፅር ውዒሎም
ኣዲስ ኣበባ፣ 24 ሕዳር፣ 2017(ኤፍ ቢ ሲ)ኣብ ከተማ ሃዋሳ ኣብ ዘይሕጋዊ ንግዲ ነዳዲ ዝተዋፈሩ 34 ውልቀሰባት ኣብ ትሕቲ ቁፅፅር ከምዝወዓሉ ኮሚሽን ፖሊስ ክልል ሲዳማ ኣፍሊጡ።
ዘይሕጋዊ ዕድጊት ነዳዲ ንምፍታሕ ግብረ-ሓይሊ ተጣይሹ ናብ ስራሕ ከምዝተኣተወን ናብቲ ክልል ዝኣቱ ነዳዲ ብፍትሓውነት ንዝተሓሰበሉ ዕላማ ንኽውዕል እናተሰርሐ ከምዝኾነ ኮሚሽነር እቲ ኮሚሽን ሽመልስ ቶማስ ኣፍሊጦም፡፡
ኣብ ሃዋሳ ብዘይሕጋዊ መገዲ ነዳዲ ብፕላስቲክ ጠርሙስን ብጀሪካን ሒዞም ንምሻጥ ዝፈተኑ 32 ውልቀሰባት ከምኡ እውን መከፋፈሊ ነዳዲ ምስተዓፀወ ምሸት ምስ መከፋፈልቲ ብምስጥጣር እናሸጡ ዝነበሩን እናተሓባበሩ ዝነበሩን ክልተ ሰራሕተኛታት ንግዲን ኢንዱስትሪን ኣብ ትሕቲ ቁፅፅር ውዒሎም ምርመራ እናተገበረሎም ከምዝኾነ ተዛሪቦም፡፡