ኣብ ዓዲ-ዳዕሮ ንልዕሊ 18 ሺሕ ዜጋታት ተረባሕቲ ዝገብር ፕሮጀክት ፅሩይ መስተ ማይ ንኣገልግሎት በቒዑ

ኣዲስ ኣበባ፣ 1 ሕዳር፣ 2017 (ኤፍ ቢ ሲ)ኣብ ክልል ትግራይ ከተማ ዓዲ-ዳዕሮ 18 ሺሕን 500 ነበርቲ ተረባሕቲ ዝገብር ፕሮጀክት ፅሩይ መስተ ማይ ተዛዚሙ ኣገልግሎት ምሃብ ከምዝጀመረ ተገሊፁ፡፡

ተወካሊ ቢሮ ሃፍቲ ማይን ኢነርጂን ግዚያዊ ምምሕዳር እቲ ክልል ዮሃንስ መለሰ (ኢ/ር)÷ ህንፀት እቲ ፕሮጀክት ዋን ዋሽ ኢንተርናሽናል ምስ ዝተሰመየ ትካል ገባሪ ሰናይ ብዝተረኸበ ሓገዝ ከምዝተሰርሐ ተዛሪቦም፡፡

እቲ ፕሮጀክት ልዕሊ 6 ነጥቢ 9 ኪሎ ሜትሮ ኳዕቲን ዝርገሐ መስመር ቱቦ ማይን ብምውጋን ንኣገልግሎት ክበቅዕ ከምዝተገበረ ኣልዒሎም፡፡

እቲ ፕሮጀክት መስተ ማይ 18 ሺሕን 500 ንዝኾኑ ነበርቲ ከተማ ዓዲ ዳዕሮን ከባቢኣን ተረባሕቲ ከምዝገብር ምግላፁ ግዜኢ ፀብፂቡ።