ኣብ ኲናት እስራኤል – ጋዛ ክሳብ ሕዚ ልዕሊ 1 ሺሕን 600 ህይወት ሰባት ከምዝተቐጠፈ ተገሊፁ
ኣዲስ ኣበባ፣ 29 መስከረም፣ 2016 (ኤፍ ቢ ሲ)ወታደራዊ ሓይሊ እስራኤል ምስ ዕጡቓት ሃማስ ኣብ ዝኣተዎ ኲናት ልዕሊ 1 ሺሕን 600 ህይወት ሰባት ከምዝተቐጠፈ ተገሊፁ፡፡
በቲ ኲናት ህይወቶም ካብ ሞንጎ ዝሰኣኑ ሰባት እቶም 704 ፍልስጤማውያን እንትኾኑ÷ ካብ 900 ዝበልፁ ድማ እስራኤላውያን ከምዝኾኑ ሓበሬታታት የመላኽቱ፡፡
ሚኒስቴር ጥዕና ፍልስጤም ብግድኡ÷ “ኣብ ኲናት እስራኤል ጉድኣት ዝበፅሖም ናብ ሆስፒታል ጋዛ ዘብፀሐሉ ካብ መጥቃዕቲ ናፃ ቀጠና ይፈቐደለይ” እናበለ ይርከብ፡፡
ብካሊእ መዳይ ሓይሊ ጦር እስራኤል ለይቲ ሓዊሱ ንወሽመጥ ጋዛ ምድብዳቡ ቀፂሉ ኣሎ፡፡
እስራኤል ንጋዛ ብሙሉእ ሓይላ ምድብዳብ ዝጀመረት ኲናት ተኸፊቱኒ ናብ ኲናት ምእታወይ ፍለጡለይ ድሕሪ ምባላ ምዃኑ ኣልጀዚራ ፀብፂቡ፡፡
ድሕሪ መግለፂኣ ድማ ዝኾነ ዓይነት ምግቢ ይኹን ቀረብ ነዳዲ ናብ ፍልስጤም ከየኣቱ ምእጋዳ ተሓቢሩ፡፡
እስራኤል ብዝጀመረቶ መጥቃዕቲ ድማ ንወሽመጥ ጋዛ ሙሉእ ብሙሉእ ከምዝተቖፃፀረት ሚኒስቴር ምክልኻል እታ ሃገር ኣፍሊጡ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com