ኣብ ክረምታዊ ኣገልግሎት ወለንታ 50 ሚሊየን ወገናት ተረባሕቲ ከምዝኾኑ ተገሊፁ

ኣዲስ ኣበባ፣ 10 ሰነ፣ 2016 (ኤፍ ቢ ሲ)ኣብ ክረምታዊ ኣገልግሎት ወለንታ እዚ ዓመት 50 ሚሊየን ወገናት ተረባሕቲ ከምዝኾኑ ተገሊፁ።

ምንቅስቓስ እቲ ኣገልግሎት መፃኢ ረቡዕ ኣብ ሙዚየም ዝኽሪ ዓወት ዓድዋ ብዕሊ ከምዝጅመር ሚኒስቴር ደቂ ኣንስትዮን ማሕበራዊ ጉዳይን፣ ሚኒስቴር ሰላምን ሚኒስቴር ትምህርቲን ኣብ ዝሃቡዎ መግለፂ ኣፍሊጦም፡፡

ልዕሊ 39 ሚሊየን ወለንታውያን ኣብ ዝሳተፉሉ መርሃ-ግብሪ÷ 50 ሚሊየን ወገናት ተረባሕቲ ከምዝኾኑ ተሓቢሩ፡፡

ኢትዮጵያዊ ሓድነት ከምዘጠናኽር ዝተገለፀ እቲ ጎስጓስ ሰለስቲአን ትካላት ተዋዲደን በቢብርኩ ክወርድ ኢዩ ተባሂሉ፡፡

“ወለንታን ምትሕብባርን ንብራኸ ኢትዮጵያ” ብዝብል መሪሕ ሓሳብ ኣብ ዝካየድ እቲ ክረምታዊ ኣገልግሎት ወለንታ 14 ዓውዲታት ምውፋር ከምዘለዉ ተሓቢሩ፡፡

ብሲሳይ ጌትነትን ፍቅርተ ከበደ