ኣብ ክልል ደቡብ  ዝለዓሉ ሕቶታት ክልላዊ ኣወዳድባ ብሕታዊ መፍትሒኦም ሰላማዊ መገዲ ኢዩ- መንግስቲ

ኣዲስ ኣበባ፣ 14 ነሓሰ፣ 2014 (ኤፍ ቢ ሲ)ክልልነት፣ ዞባን ፍሉይ ወረዳን ንኹን ዝብል ምሕደራ መሰረት ዝገበረ ሕቶ ግቡእ ምላሽ ዝረኽቡ ብሰላማዊን ብሰላማዊን መገዲ ጥራሕ ከምዝኾን ሚኒስትር ኣገልግሎት ኮሙኒኬሽን መንግስቲ ለገሰ ቱሉ ተዛሪቦም፡፡

ኣገልግሎት ኮሙኒኬሽን መንግስቲ ሎሚ ንመራኸብቲ ሓፋሽ ውሽጢ ዓዲ ኣብ ዝሃቦ መግለፂ ምስ ውሳነታት ምሕደራ ዝተተሓሓዘ መብራህርሂ ተዋሂቡ፡፡

እቶም ሚኒስትር፥ መሰረት ሕጊ ኣብ ዘይብሉ ብዘይስሩዕ ዝተወደቡ ዕጡቓት ብምሕጋዝ ሕቶታት ብጉልበት ንምፍታሕ ዝግበር ፃዕሪ ብዙሕ ዋጋ ከኽፍል ዝፀንሐ ከምዝኾነን ሐዚ ከኽፍል ከምዝኽእልን ኣጠንቂቖም።

ኣብቲ ክልል ዝለዓሉ ሕቶታት ኣብ ሕገ መንግስቲ ዝተቐመጡ መትከላት መሰረት ብምግባር ምላሽ ንምርካብ ብዝሰኸነ መልክዑ ምፅባይ ከምዝግባእ ብምግላፅ፥ መፈፀምቲ ረብሓ  ነጋዶ ጎንፂን ውሑዳት ፖለቲከኛታትን ከይኾኑ ምጥንቃቕ ከምዘድሊ ተዛሪቦም፡፡

ሕቶታት ድሌትን ረብሓን ህዝቢ ብዘኽብር መልከዑ ብሕጋዊ መገዲ ቀሪቡ ምላሽ ምርካብ ከምዝከኣል እዮም ገሊፆም፡፡

ንመርኣያ ድማ ኣብዚ ሰሙን ቤት ምኽሪ ፌደሬሽን ኣብ ትሕቲ ክልል ደቡብ ዝነበሩ 6 ዞባታትን 5 ፍሉይ ወረዳታትን ኣብ ሓደ ክልል ከም ብሓዱሽ ክውደቡ ዝቐረበ ውሳነ ሓሳብ ተቐቢሉ ህዝበ ውሳነ ክካየድ ምውሳኑ ሓቢሮም።

ብምሰረት እዚ ዞባታት ወላይታ፣ ጋሞ፣ ጎፋ፣ ጌዴኦ፣ ኮንሶን ደቡብ ኦሞን ከምኡ እውን ፉሉይ ወረዳታት ደራሼ፣ ኣማሮ፣ ቡርጂ፣ ኣሌን ባስኬቶን ኣብ ሓደ ኮይኖም ሓድሽ ክልል ንምጥያሽ ቦርዲ መረፃ ቀፃሊ ብመሰረት ዝህቦ ኣንፈትህዝበ ውሳነ ዘካይዱ ምዃኖም ገሊፆም፡፡

ዝተረፋ ዞባታት ሃዲያ፣ ሃላባ፣ ከንባታ ጠንባሮ፣ ጉራጌን ስልጤን ፍሉይ ወረዳ የምን ኣብ ነባር ክልል ብሄር-ብሄረ ሰባትን ህዝብታትን ደቡብ ኣብ ሓደ ከምዝቕፅሉ ተዛሪቦም፡፡

እዚ ከይዲ ዝፀንሑ ፀገማት ህዝቢ ብምፍታሕ ሓቃዊ ፌዴራላዊ ስርዓት ዕውትነት ምህናፅ ኣንፈት ዘረጋግፅ እዩ ኢሎም፡፡

ኣብ ምኽላል ምምሕዳር ወሰን ፍሉይ ዞባ ኦሮምያ ፊንፊኔ ዙርያን ኣዲስ ኣበባን ዝምለከት እውን ኣብራህሪሆም፡፡

ኣብ መብራህርሂኦም፥ እቲ ውሳነ ተፈጥሮኣዊ ዕቤት ከተማታት ብትልሚ ምምራሕ ብዘኽእል መልክዑ ኣብ ዓሚቕ መፅናዕቲ ተመርኲሱ  ዝተፈፀመ ከምዝኾነ ኣፍሊጦም፡፡

ኣብ ውሽጢ እዚ ውሳነ እዚ ድማ ብክልቲኡ ወገን ፍርቂ ሚልዮን ህዝቢ ተሳታፊ ከምዝኾነ ኣመላኺቶም፡፡

እቲ ውሳነ ዘላቒ ምትእስሳር፣ ሰላምን ሓበራዊ ተረባሕነትን ብዘተኣማምን ኩነታት ዝምልስ እዩ ኢሎም።

እቱ ጉዳይ ንዘየድሊ ፖለቲካዊ ረብሓ ክጥቀሙሉ ዝደልዩ ኣካላት ፥ እቲ ውሳነ ብመሰረት ሕጊ ዝተዳለወ ስለዝኾነ ሓሳቦም ከምዘይሳኻዕ ፈሊጦም ካብ ተግባሮም ክዕቀቡ ኣተሓሳሲቦም፡፡

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።