ኣብ ክልል ቤኒሻንጉል ጉሙዝ ራብዓይ ዙር መርሃ ግብሪ ሓምለዋይ ኣሰር ተኸላ ፈልሲ ብዕሊ ተጀሚሩ

ኣዲስ ኣበባ፣ 30 ሰነ፣ 2014 (ኤፍ ቢ ሲ)ርእሰ ምምሕዳር ክልል ቤኒሻንጉል ጉሙዝ ኣይተ ኣሻድሊ ሓሰን ኣብቲ ክልል ራብዓይ ዙር መርሃ ግብሪ ሓምለዋይ ኣሰር ተኸላ ፈልሲ ብዕሊ ኣጀሚሮም።

እቲ መርሃ ግብሪ “ኣሰርና ንወለዶና” ብዝብል መሪሕ ሓሳብ ኣብ ዞባ ኣሶሳ ወረዳ ዑራ አምባ ቀበሌ 5 እዩ ተኻይዱ፡፡

ኣብቲ መርሃ ግብሪ ርእሰ ምምሕዳር እቲ ክልል ኣይተ ኣሻድሊ ሓሰን ሓዊሱ ላዕለዎት ኣመራርሓ ክልልን ፌዴራልን፣ኣመራርሓ እቲ ወረዳን ማሕበረሰብ እቲ ቀቤለን ተረኺቦም ሓምለዋይ ኣሰሮም ኣዕሪፎም፡፡

ርእሰ ምምሕዳር እቲ ክልል ኣሻድሊ ሓሰን፣ኣብቲ ክልል ራብዓይ ዙር መርሃ ግብሪ ሓምለዋይ ኣሰር ተኸላ ፈልሲ ልዕሊ 45 ሚሊየን ፈልስታት ከምዝተዳለው ተዛሪቦም፡፡

ፈልስታት ምትካል ካብ ሓለዋ ከባቢ ብዝሓለፈ ንኢኮኖሚ እናበርከቶ ዘሎ ኣስተዋፅኦ ልዑል ምዃኑ ብምሕባር፣ሰላም ካብ ምርግጋፅ ጎና ጎኒ ፈልስታት ንምትካል ምትሕብባር ይግባእ ኢሎም፡፡

ኣይተ ኣሻድሊ ኣብ ናይ ሎሚ መርሃ ግብሪ ኣሰር ሓምለዋይ ኣሰር ብውልቀ 100 ፈልስታት ንምትካል ከምዝተተለመ ገሊፆም።

ኢኮኖሚያዊ ረብሓ ዘለዎም ፈልስታት ብክላስተር ምትኻል ረብሕኡ ዝለዓለ ብምዃኑ፣ ሎሚ እውን እዚ ተጠናኺሩ ክቕፅል ይግባእ ምባሎም ካብ ኮሙኒኬሽን እቲ ክልል ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።