ኣብ ከተማ ሸረ እንዳስላሰ ብልዕሊ 1 ቢልየን ብር ዝተፈላለዩ ፕሮጀክትታት ይሳለጡ ኣለው

ኣዲስ ኣበባ፣ 20 ሕዳር፣ 2017 (ኤፍ ቢ ሲ)ኣብ ከተማ ሸረ እንዳስላሰ ብልዕሊ 1 ቢልየን ብር ዝተፈላለዩ ፕሮጀክትታት ይሳለጡ ኣለው።

እቶም ብቤት መዛጋጃ እታ ከተማ ዝሳለጡ ዘለዉ ፕሮጀክትታት፥ መገዲ ኣስፋልት፣ ስራሕቲ መልከዐኛ አምኒ(ኮብል ስቶን)፣ ፅገና፣ ዝርገሐ መስመር ኤሌከትሪክን ማይንን ወዘተ ዘካተቱ ኢዮም ተባሂሉ።

ምክትል ኣካያዲ ስራሕ እቲ  ቤት መዛጋጃ መ/ር ፀጋይ ታደሰ፥ ኣብዚ ዓመት ንዝህነፁ ፕሮጀክትታት ዝከታተል ቴክኒካል ኮሚቴ ብምጥያሽ በቢእዋኑ ዝበፅሕዎ ብርኪ ፅሬት እናገምገመ ይመርሕ ከም ዘሎ ተዛሪቦም።

ብተወሳኺ ካብ ሕብረተሰብ ዝተውፃእፅኡ ልምዓት ኮሚቴ ብምጥያሽ በቢእዋኑ ዝርኣዩ ጉድለታት ንክስተኻኸሉ ይግበር ኣሎ ምባሎም ኣብ ጉዳያት ኮሚኒኬሽን ግዚያዊ ምምሕዳር ክልል ትግራይ ዝረኸብናዮ ሓበሬታ የረድእ።