ኣብ ኣፍሪካ ግዙፍ መዕርፎ ነፈርቲ ንምህናፅ ምንቅስቓስ ከምዝተጀመረ ተገሊፁ

ኣዲስ ኣበባ፣ 21 ጥቅምቲ፣ 2017 (ኤፍ ቢ ሲ)ቀዳማይ ሚኒስትር ኣቢይ ኣሕመድ(ዶ/ር) ካብ ባይቶ ወከልቲ ህዝቢ ንዝቐረቡሎም ሕቶታት ኣብ ዝሃብዎ መብርሂ ኣብ ኣፍሪካ ግዙፍ መዕርፎ ነፈርቲ ንምህናፅ ምንቅስቓስ ከምዝተጀመረ ገሊፆም።

እቲ ሓዱሽ ዝህነፅ መዕርፎ ነፈርቲ ኣብ ዓመት ካብ 100 ክሳብ 130 ሚሊየን ተጓዓዝቲ ከምዘተኣናግድ ተዛሪቦም።

ኣብዚ ሐዚ እዋን 124 ሓደሽቲ ነፈርቲ ንምዕዳግ ትልሚ ከምዝተትሓዘ ብምግላፅ፥ መገዲ ኣየር ኢትዮጵያ ኣብዚ ሐዚ እዋን ኣብ ኣፍሪካ ግዙፍ በዓል ዋና ኣውሮፕላን ጥራሕ ዘይኮነስ ግዙፍ መዕርፎ ነፈርቲ ትካል ክኸውን ከምዘኽእሎ ገሊፆም።

እዚ ለውጢ ብፍላይ ኣብ ዓውዲ ኣገልግሎት ውፅኢት ንምምዝጋብ ዝተትሓዙ ትልሚታት ንምዕዋት ብፅሒቱ ልዑል ኢዩ ኢሎም።

ኣብ 2017 ዓ.ም ኣብ ዓውዲ ኣገልግሎት 7 ነጥቢ 1 ሚኢታዊ ምዕባለ ክምዝገብ ኢዩ ዝብል ትፅቢት ኣሎ ክብሉ ገሊፆም።