ኣብ ኣዲስ ኣበባ ብዝተፈላለዩ ሜላታት ዝተፈላለዩ ገበናት እናፈፀሙ ዝነበሩ ኣካላት ኣብ ትሕቲ ቁፅፅር ከምዝወዓሉ ፖሊስ ገሊፁ

ኣዲስ ኣበባ፣ 19 ሓምለ፣ 2014 (ኤፍ ቢ ሲ)ኣብ ኣዲስ ኣበባ ብዝተፈላለዩ ሜላታት ዝተፈላለዩ ገበናት እናፈፀሙ ዝነበሩ ኣካላት ኣብ ትሕቲ ቁፅፅር ከምዝወዓሉ ፖሊስ እታ ከተማ ገሊፁ።

ፋና ብሮድካስቲንግ ኮርፖሬት ዘዘራረቦም ነበርቲ ኣዲስ ኣበባ ኣብ ዝሃቡዎ ርኢቶ፥ ኣብታ ከተማ ዘረፋን ስርቂን ካብ መዓልቲ ናብ መዓልቲ ሜይልኡ እናለወጠ ብዙሓት ከንቱ ከምዘትረፈ ገሊፆም።

ቀትሪ ይኹን ለይቲ ንብረት ካብ ምውሳድ ሓሊፉ ህይወት ክሳብ ምስኣን ዝበፅሕ እቲ  ዘይሕጋዊ ተግባር መዓልታዊ ፍልፍል ስግኣት እታ ከተማ እናኾነ ከምዝርከብ እቶም ነበርቲ ተዛሪቦም።

ዳይሬክተር ርክብ ህዝቢ ፖሊስ ኣዲስ ኣበባ ምክትል ኮማንደር ማርቆስ ታደሰ ከምዝሓበሩዎ፥ ፖሊስ ኣዲስ ኣበባ ምስ ካልኦት ኣካላት ፀፅታን ሕብረተሰብን ብምትሕብባር ብዙሓት ስራሕቲ እናተሰርሑ ከምዝኾኑ ኣብሪሆም፡፡

ብምዃኑ ኣብታ ከተማ ብዝተፈላለዩ ሜላታት ኣብ ልዕሊ ዜጋታት ስርቂን ካልኦት ገበናትን እናፈፀሙ ዝነበሩ ውልቀ ሰባትን ጉጅለታትን ኣብ ትሕቲ ቁፅፅር ከምዝወዓሉ ተዛሪቦም፡፡

ካብዚ ብተወሳኺ ብዝተሳለጠ ስራሕቲ ምኽባር ሕጊ ኣዲስ ኣበባ ማእኸል ግብረ ራዕዲ ንምግባር ዝተሓሰበ ሽርሒ ንምፍሻል ዘኽእሉ ተግባራት ከምዝተሰርሑ ገሊፆም፡፡

ብሃይማኖት ወንድራድ

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com