ኣብ ኣዲስ ኣበባ ብብርኪ ከተማ መዓልቲ ይቕሬታ ተኸቢሩ

ሃገር ብዘይ ሰብ፤ ሰብ ድማ ብዘይ እሴት ባዶ ከምዝኾነ ዝገለፃ እተን ፕሬዚዳንት፥ ንመንነትና መሰረት ዝኾኑ ከም ይቕሬታ ዝበሉ እሴታት ብምድንፋዕ ንፅባሕ ወለዶ ትኸውን ፍቕሪ፣ ሰላምን ሕብረትን ዝዓሰላ ሃገር ንህነፅ ክብላ እውን ፃውዒት ኣቕሪበን።

ኣብቲ መድረኽ ዝተረኸቡ መራሕቲ ሃይማኖት ብግደኦም፥ ሕብረተሰብ ዝሐሸት ፅባሕ ንምህናፅ፥ ካብ ምፅላእ ምፍቓር፣ ካብ ምርሕሓቕ ምቅርራብ፣ ካብ ምፍልላይ ሓድነት ብምድንፋዕ ይቕሬታ ባህሊ ብምግባር ኣብ ሰላም፣ ሓድነትን ፍቕሪን መሰረት ከንብር ከምዝግባእ ኣገንዚቦም።

ምክትል ከንቲባ ወይዘሮ ኣዳነች ኣቤቤ 2012 ዓ.ም ብይቕሬታ፣ ብምትሕብባር፣ ብኣምባሳደርነት፣ ብምስጋናን ብስራት ብሩህ ተስፋን ንሳገር ዝበላ እንትኾና፥ ይቕረ ኢልና ይቕሬታ ተቐቢልና ሓዱሽ ዓመት ብሓዱሽ መንፈስ ምቕባል ይግባእ ኢለን።

ኣብቲ ስነ-ስርዓት ዝተረኸቡ ተወከልቲ ማሕበር ሓርበኛታት፣ መናእሰይ እታ ከተማ፣ ሓይሊታት ፀፅታ፣ ኪነጥበባውያን፣ ዓበይቲ ዓዲ ከምኡ እውን ደገፍቲ ኩዕሾ እግሪ ኣዲስ ኣበባ ነኒባዕሎምን ንመላእ ነበርቲ ከተማ ኣዲስ ኣበባን ይቕሬታ ምሕታቶም ካብ ቤት ፅሕፈት ፕሬስ ሴክሬቴሪያት ኣዲስ ኣበባ ዝረኸብናዮ ሓበሬታ የረድእ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana