ኣብ ሲድኒ ዝተኻየደ ውድድር ማራቶን ደቂ ኣንስትዮ ኢትዮጵያውያን ኣትሌታት ተዓዊተን
ኣዲስ ኣበባ፣ 8 መስከረም፣ 2015 (ኤፍ ቢ ሲ)ኣብ ኣውስትራሊያ ሲድኒ ዝተኻየደ ውድድር ማራቶን ደቂ ኣንስትዮ ኢትዮጵያውያን ኣትሌታት ብፀብለልታ ተዓዊተን።
ኣትሌት ትዕግስት ግርማ 2 ሰዓት 25 ደቒቕን 10 ሰከንድን ብዝኾነ ሰዓት ብምዝዛም ቀዳመይቲ ወፂ፡፡
ካሊእ ኢትዮጵያዊት ኣትሌት ለተብርሃን ሃይላይ÷ ነቲ ርሕቐት 2 ሰዓት 25 ደቒቕን 45 ሰከንድን ብዝኾነ ሰዓት ብምእታው ካልአይቲ እንትትከውን÷ ኤርትራዊት ናዝሬት ወልዱ ድማ ሳልሰይቲ ወፂኣ።
ኣብቲ ውድድር ኢትዮጵያውን ኣትሌታት ካብ 4ይ ክሳብ 6ይ ዘሎ ደረጃ ብመሓዝ እውን ፀብለልታ ኣርኢየን፡፡
ኣብ ተመሳሳሊ ውድድር ደቂ ተባዕትዮ÷ ኢትዮጵያዊ ኣትሌት ጫሉ ዲሶ ሳልሳይ ብምውፃእ ውድድሩ ከምዝዛዘመ ካብ ኦሎምፒክ ሲድኒ ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com