ኣብ ሞንጎ ህዝቢን መንግስቲን ምጥርጣር ብምፍጣር ዝተጠርጠሩ ኣመራርሓታት ዞባ ወላይታ ኣብ ትሕቲ ቁፅፅር ውዒሎም

ክሳብ ሕዚ ኣብ ዘሎ ኩነታት 10 ውለቀሰባት ኣብ ትሕቲ ቁፅፅር ከምዝዓሉን ምፅራይ እናተገበረ ከምዝኾነን ተዛሪቦም።

እቶም ኣመራርሓታት ኣብ ትሕቲ ቁፅፅር ምውዓሎም ስዒቡ ኣብቲ ከባቢ መንገዲ ምዕፃውን ዕግርግር ምፍጣርን ከምዝተርኣየ እውን ኣብሪሆም።

ምስ እዚ ተተሓሒዙ ድማ ሓደ ሰብ ህይወቱ ከምዝሓለፈን ካልኦት ሰባት ከምዝቖሰሉን ገሊፆም።

ኣብዚ ሕዚ እዋን እቲ ከባቢ ናብ ንቡር ምንቅስቓሱ ንምምላስ ፃዕሪ እናተገበረ ከምዝኾነ እውን እቶም ሓላፊ ኣገንዚቦም።

ኣብ ክልል ደቡብ ዝተልዓሉ ናይ ክልል ንኹን ሕቶታት መንግስቲ ብዘቐመጦ ሕጋዊ መገዲ እናተመለሱ ከምዝኸዱ ዝገለፁ ኣይተ ኣለማየሁ፥ ህዝቢ ብትዕግስቲ ንኽፅበን ዘይሕጋዊ ካብ ዝኾኑ ኣካይዳታት ንኽቑጠብን ፃውዒት ኣቕሪቦም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana