ኣብ ምብራቕ ኣፍሪካ ዝረአ ሓደጋ ግብረ ራዕዲን ጎንፂን መዕለቢ ክወሃቦ ከምዝግባእ ተሓቢሩ

ኣዲስ ኣበባ ፣ 14 ነሓሰ፣ 2015 (ኤፍ ቢ ሲ)ኣብ ምብራቕ ኣፍሪካ ዝረአ ሓደጋ ግብረ ራዕዲን ምብዛሕ ጎንፂን ሃገራት እቲ ዞባ ብሓባር መዕለቢ ክህባሉ ከምዝግባእ ኣብ በዓል መዚ በይነ መንግስታት ልምዓት ምብራቕ ኣፍሪካ (ኢጋድ) ዳይሬክተር ዓውዲ ፀፅታን ድሕንነትን ኮማንደር ኣበበ ሙሉነህ ገሊፆም።

ኮማንደር ኣበበ ሙሉነህ÷ ኣልሻባብን ካልኦት ጉጅለ ግብረ ራዕዲታትን እቲ ዞባ ንምህዋኽ እናተንቀሳቀሱ ከምዝኾኑ ገሊፆም።

ሓደ ምኽንያት ኣብቲ ዞባ ዝረአ ምንቅስቓስ ግብረ ራዕዲ÷ ኣብቲ ከባቢ ብተደጋጋሚ ዝፍጠር ሕድሕዳዊ ጎንፂን ዘይምርግጋእን ከምዝኾነ ፀሪሖም።

ብምዃኑ ድማ ኣብ ምብራቕ ኣፍሪካ ዘሎ ምብርኻት ጎንፂ ዘላቒ መፍትሒ ብምስንዳእ ሓደጋ ግብረ ራዕዲ ብሓባር ምምካትን ዘላቒ መፍትሒ ክህባሉን ከምዝግባእ ኣገንዚቦም።

እቲ ከባቢ ንኸይረጋጋእ ካሊእ ምኽንያት ውጥጥ ጂኦ-ፖለቲካ ከምዝኾነ ዝሓበሩ እቶም ዳይሬክተር÷ ሃገራት እቲ ዞባ ንፀገመን ሓበራዊ መፍትሒ ንምምፃእ ክሰርሓ ይግባእ ኢሎም።

ኣብ ዞባ ምብራቕ ኣፍሪካ ሰላምን ድሕንነትን ህዝቢታት ንኽረጋገፅ÷ ኩለን ኣባል ሃገራት ኢጋድ ብፅሒተን ንኽዋፅኣ ምሕታቶም ግዜኢ ፀብፂቡ፡፡

#Ethiopia

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com/…

ሓዱሽ መተግበሪ ፋና ብሮድካስቲንግ ኮርፖሬት https://play.google.com