ኣብ ምብራቕ ኣፍሪካ ልዕሊ 9 ነጥቢ 5 ሚሊየን እንስሳ ዘቤት ብምኽንያት ድርቂ ሞይተን – ውሕመ
ኣዲስ ኣበባ፣ 17 መጋቢት ፣ 2015 (ኤፍ ቢ ሲ)ኣብ ኢትዮጵያ፣ ሶማሊያን ኬንያን ብዘጋጠመ ድርቂ ብውሕዱ 9 ነጥቢ 5 ሚሊየን እንስሳ ዘቤት ከምዝሞታ ኣብ ውድብ ሕቡራት መንግስታት ፕሮግራም ምግቢ ዓለም ኣፍሊጡ።
ኣብ ሓሙሽተ ወቕቲታት ዝናብ ማይ ዘይምውቅዑ ስዒቡ ብዘጋጠመ ድርቂ÷ ኣብቲ ዞባ ኣብ ውሕስና ምግቢን ፍልፍል እቶት ኣብ ዝኾና ሃፍቲ እንስሳን ልዑል ጉድኣት ከምዘብፀሐ ተገሊፁ፡፡
እዚ ድማ ናብራ፣ ኣታዊን ኣመጋግባን ሰበኽ ሳግምን ሓረስቶትን ከምዘዛበዖ ተሓቢሩ።
ኣብተን ሃገራት 5 ነጥቢ 1 ሚሊየን ዝኾኑ ህፃናት ንዝኸፍአ ሕፅረት ምግቢ ከምዝተቓልዑ ተገሊፁ፡፡
3 ነጥቢ 6 ሚሊየን ህፃናት ትምህርቶም ናይ ምቁራፅ ሓደጋ ከምዘንፀላለዎምን ብፍላይ ደቂ ኣንስትዮ ተቓላዕቲ ከምዝኾናን እውን ተመልኪቱ፡፡
ፕሮግራም ምግቢ ዓለም ኣብ 2023 ብዘጋጠመ ድርቂ ንዝተጎድኡ 8 ነጥቢ 8 ሚሊየን ዜጋትት ህፁፅ መድሕን ህይወት ምግቢ ንምምላእ፤ 2 ነጥቢ 4 ቢሊየን ዶላር ከምዘድሊ ምግላፁ ሲ ጂ ቲ ኤን ፀብፂቡ፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube