ኣብ ልዕሊ ግብረ ራዕዲን ንድሕንነት ሃገር ሓደጋ ኣብ ዝኾኑ ሓይሊታትን ዝውሰድ ስጉምቲ ምኽባር ሕጊ ተጠናኺሩ ከምዝቕፅል ተገሊፁ

ኣዲስ ኣበባ፣ 15 ሰነ፣ 2014 (ኤፍ ቢ ሲ)ኣብ ዝኾ ይኹን ከባቢ ግብረ ራዕዳውያንን ንድሕንነት ሃገር ሓደጋ ኣብ ዝኾኑ ሓይሊታትን ዝውሰድ ስጉምቲ ምኽባር ሕጊ ተጠናኺሩ ከምዝቕፅል ኣባላ ኮሚቴ ፈፃሚ ስራሕ ፓርቲ ብልፅግና ገሊፆም።

ኮሚቴ ፈፃሚ ስራሕ ፓርቲ ብልፅግና ስሩዕ ኣኼባኡ እናሳለጠ ይርከብ።

ኣባላት እቲ ፈፃሚ ስራሕ ከምዝገለፁዎ፥ ብሄራዊ ቤት ምኽሪ ድሕንነት ቅድም ክብል ብዘቐመጦ ኣንፈት መሰረት ብምግባር ግብረ ራዕዳውያንን ስግኣት ድሕንነት ሃገር ኣብ ልዕሊ ዝኾኑ ፅንፈኛ ሓይሊታትን ዕዉት ስጉምቲ ምኽባር ሕጊ ተወሲዱ።

እቲ ወፍሪ ምኽባር ሕጊ ሕብረተሰብ እናልዐሎም ንዝነበሩ ሕቶታት ሰላምን ድሕንነትን ምላሽ ዝሃበ ምዃኑ ብምግላፅ፤ ዓቕሚ ልኡኻት ፀላእቲ ኢትዮጵያ ዘዳኸመ ከምዝኾነ እውን እቶም ኣባላት ኮሚቴ ፈፃሚ ስራሕ ዝሓበሩ፡፡

ኣብ ዝኾነ ይኹን ከባቢ ኣብ ዝነብሩ ዜጋታት ዝፍፀም መጥቃዕቲ ጉዳይ ኩሎም ኢትዮጵያውያን ከምዝኾነ ዝሓበሩ እቶም ኣባላት፥ “ብመንፅር እዚ ግብረ ራዕዲ ሸኔ ኣብዚ ሰሙን ኣብ ክልል ኦሮሚያ ዝፈፀሞ መጥቃዕቲ ፀላኢ ኢትዮጵያ ምዃኑ ዘረጋገፀ ኢዩ” ኢሎም።

ኮሚቴ ፈፃሚ ስራሕ ፓርቲ ብልፅግና ግብረ ራዕዲ ሸኔ ሓዊሱ ኣብ ኩሎም ከባቢታት ኣብ ልዕሊ ዝርከቡ ዘይሕጋዊ ሓይሊታት ዝውሰድ ስጉምቲ ምኽባር ሕጊ ተጠናኺሩ ንኽቕፅል ኣንፈት ከምዘቐመጠ ተዛሪቦም፡፡

ኣብ ልዕሊ ሃገርን ንፁሃን ዜጋታትን መጥቃዕቲ እናብፀሐ ዝርከብ ጉጅለ ክሳብ መወዳእታ ክሳብ ዝውገድ ሓይሊ ፀፅታ ስጉምቱ ከምዝቕፅል ብምርግጋፅ፤ መላእ ህዝቢ እውን ብሓባር ጠጠው ንኽብል ሓቲቶም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።