ኣብ ሊባኖስ ኣብ ቤት ማእሰርቲ ዝነበሩ 18 ሰባት ሓዊሱ 90 ኢትዮጵያውያን ናብ ሃገሮም ተመሊሶም

ብኻሊእ መዳይ ወፃኢ ትራንስፖርት ባዕሎም ክኢሎም ናብ ሃገሮም ንምምላስ ተመዝጊቦም እናተፀበዩ ዝነበሩ ዜጋታት እውን ሰነድ ጉዕዞኦም ብምድላው ካብ ኢሚግሬሽን ሊባኖስ መውፅኢ ቪዛ ክረኽቡ ዝተገበሩ 71 ሰባት ናብ ኢትዮጵያ ተመሊሶም ተባሂሉ።

ብተወሳኺ ኣብ ውሽጢ ሆስፒታል ሕክምናኣ እናተኸታተለት ዝነበረት ሓንቲ ኢትዮጵያዊት ብምትሕብባር ማሕብ ኮሙዩኒቲ ኢትዮጵያን እቲ ቤት ፅሕፈት ቆንስላ ጀነራልን ሓገዝ እናተገበረላ ፀኒሑ ናብ ሃገራ ክትምለስ ተገይሩ ኢዩ።

ብሓፈሻ ሎሚ መዓልቲ 90 ኢትዮጵያውያን ናብ ሃገሮም ከምዝተመለሱ ዝሓበረ እቲ ቤት ፅሕፈት፥ ኩሎም ተመለስቲ ምርመራ ቫይረስ ኮሮና ተገይሩሎም ካብቲ ቫይረስ ናፃ ምዃኖም ምርግጋፁ እውን ኣፍሊጡ።

ብተመሳሳሊ ድማ ካብ ሎሚ መዓልቲ ጀሚሩ ኣብ ዝቕፅሉ መዓልቲታት 155 ዜጋታት ናብ ሃገሮም ከምዝምለሱ ካብ ቤት ፅሕፈት ቆንስላ ጀነራል ኢትዮጵያ ኣብ ሊባኖስ ዝረኸብናዮ ሓበሬታ የረድእ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana