ኣብ ለንደን ደርቢ ዌስታም ዩናይትድ ምስ ኣርሰናል ዝገብርኡ ፀወታ ዝለዓለ ሃንቀውታ ስሒቡ ኣሎ

ኣዲስ ኣበባ፣ 20 ሕዳር፣ 2017 (ኤፍ ቢ ሲ)ሎሚ ኣብ ዝካየድ መበል 13 ሰሙን መርሃ ግብሪ ፕሪሚየር ሊግ አንግሊዝ ኣብ ለንደን ደርቢ ዌስታም ዩናይትድ ምስ ኣርሰናል ዝገብርኡ ፀወታ ዝለዓለ ሃንቀውታ ስሒቡ ኣሎ።

እቲ ፀወታ ምሸት ሰዓት 2፡30 ኣብ ስታዲየም ለንደን ክካየድ ኢዩ።

ብራዚላዊው ተኸላኻላይ ጋብረኤል ማጋሌሽ ብምኽኒያት ጉድኣት መስላፉ ከምዘጠራጥር ኣሰልጣኒ ኣርሰናል ሚካኤል ኣርቴታ ሓቢሩ።

ኣብ ዌስታም ዩናይትድ  ድማ ኤድሰን ኣልቫሬዝ ድሕሪ መቕፃዕቲ ሎሚ ዝስለፍ እንትኸውን፥ ጋናዊ ሞሃመድ ኩዱስ ናይ ሓሙሽተ ፀወታታት መቕፃዕቱ ብዘምውድኡ ሎሚ መዓልቲ ኣይስለፍን።

ኣብ ናይ ሎሚ መዓልቲ ፀወታ ሰዓት 12፡00 ምሸት  ብሬንትፎርድ ምስ ሌስተር ሲቲ ክራኸባ ኢየን።

ሆላናዳዊ ኣሰልጣኒ  ሩድ ቫን ኒስትሮይ ኣሰልጣኒ ሌስተር ሲቲ ብምዃን ፈላማይ ግጥሙ ከካይድ ኢዩ።

ኣብ ተመሳሳሊ ሰዓት 12፡00 ክሪስታል ፓላስ ምስ ኒውካስል ዩናይትድ፣ ኖቲንግሃም ፎረስት ምስ ኢፕስዊች ታውን ከምኡውን ዎልቭስ ምስ ቦርንሞውዝ ፀወተአን ከካይዳ ኢየን።

ንፕሪሚየር ሊግ አንግሊዝ 31 ነጥቢ ብምውህላል ዝመርሕ ዘሎ ሊቨርፑል ፅባሕ 23 ነጥቢ ብምውህላል ኣብ ሳልሳይ ደረጃ ምስ ዘሎ ማንችስተር ሲቲ ዝገብሮ ፀወታ ድማ ልዑል ቀልቢ ደገፍቲ ኩዕሶ እግሪ ብምስሓብ ካብ ብሐዚኡ መዘራረቢን መካትዒት ኮይኑ ኣሎ።