ኣምባሳደር ጣሊያን ኣብ ኢትዮጵያ ኣጎስቲኖ ፓሌሴ ኣብ ከተማ ሽረ ዑደት ኣሳሊጦም
ኣዲስ ኣበባ፣ 19 ነሓሰ፣ 2015 (ኤፍ ቢ ሲ)ኣምባሳደር ጣሊያን ኣብ ኢትዮጵያ ኣጎስቲኖ ፓሌሴ ኣብ ክልል ትግራይ ከተማ ሽረ ዑደት ኣሳሊጦም።
ዑደት እቶም ኣምባሳደር÷ ኣብ ክልል ትግራይ ከተማ ሽረ ዝትግበር ከባቢያዊ መሰረተ ልምዓት ጥዕና ንምጥንኻር ዝዓለመ ፕሮጀክት ምትሕብባር ግምገማ ንምግባር ከምዝኾነ ካብቲ ኤምባሲ ዝረኸብናዮ ሓበሬታ የረድእ።
ኣምባሳደር ኣጎስቲኖ ምስ ተወከልቲ ዘዶክተርስ ዊዝ ኣፍሪካ ዝተብሃለ ትካል ገባሪ ሰናይ ብሓባር ዝኸዱ እንትኾኑ÷ ብሰንኪ ኲናት ኣብቲ ሆስፒታልን ሕብረተሰብን ዝበፅሐ በሰላ ንምዕዛብን ሓገዝ ንምግባር ዝዓለመ ዑደት ከምዝኾነ እውን ቢሮ ጥዕና ግዚያዊ ምምሕዳር ክልል ትግራይ ሓቢሩ።
ሎሚ መዓልቲ ኣብ ዝገበሩዎ ዑደት ኣብ ሆስፒታል ስሑል ሸረ ተረኺቦም ትዕዝብቲ ገይሮም።
ተወካሊ ሜዲካል ዳይሪክተር እቲ ሆስፒታል ዶክተር ብርሃነ ተስፋይን ኣመራርሓ ዞባን ኣብቲ ሆስፒታል ብዛዕባ ዘሎ ፀገም ብዝርዝር ከምዝቐረበሎም ተገሊፁ።
እቶም ኣምባሳደር ብወገኖም÷ ነቲ ብዓይኖም ዝረኣይዎን ብሰብ ሞያ ዝተውሃቦም ሓበሬታ ድሕሪ ምዕዛብ ነቲ ፀገም ብዝኸኣልዎ ንምፍታሕ ከምዝሰርሑ ገሊፆም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com