ኣምባሳደር ታዬ ምስ ፕሬዚዳንት ሓፈሻዊ ጉባኤ ውሕመ ተዛቲዮም

ኣዲስ ኣበባ፣ 10 ሰነ፣ 2016 (ኤፍ ቢ ሲ)ሚኒስትር ጉዳያት ወፃኢ ኣምባሳደር ታዬ ኣፅቀስላሴ ምስ ፕሬዚዳንት ሓፈሻዊ ጉባኤ ውድብ ሕቡራት መንግስታት (ውሕመ) ዴኒስ ፍራንሲስ ተዛቲዮም።

ኣምባሳደር ታዬ ኣፅቀስላሴን ፕሬዚዳንት ዴኒስ ፍራንሲስን ብሓባር ኣብ ዝሰርሑሎም ጉዳያትን ኣብ ሃገራት ቀርኒ ኣፍሪካ ሰላም ኣብ ምኽባር ጉዳያት ኣድሂቦም ከምዝዘተዩ ኣቐባሊ ቃል ሚኒስትር ጉዳያት ወፃኢ ኣምባሳደር ነብዩ ተድላ ተዛሪቦም።

ውድብ ሕቡራት መንግስታት ክሌማዊ ለውጢ ሓዊሱ ዛዕባ ኣብ ምዕባይ ናይ ዝርከባ ሃገራት ኣብ ዝኾኑ ዓውዲታት ፋይናንስ፣ ቴክኖሎጂ ሓገዛት ህንፀት ዓቕሚ ከምኡ እውን ኣብ ጉዳያት ምርግጋፅ ሽቶታት ዘላቒ ልምዓት ከምዝተዛተዩ ኣልዒሎም።

ኣምባሳደር ታዬ ኣፅቀስላሴ፤ ኢትዮጵያ ንበዓል ብዙሕ ወገን ዲፕሎማሲ ትህቦ ዓብዪ ቦታ ከምኡ እውን ኣብ ቀፃሊ ኣብ ዝካየድ ‘summit of future’ ዝተብሃለ ዓለም ለኸ ጉባኤ ብዝምልከት እውን ዝርዝር ዘተ ከምዝገበሩ እውን ፀሪሖም።

ኣፍሪካ ኣብ ቤት ምኽሪ ፀፅታ ቋዋሚ መቐመጢ ንኽትረክብ ኣብ ዝግበር ፃዕሪን መሰል ጉዳያት ፀፅታን እውን ኣካል እቲ ዘተ ከምዝኾኑ ገሊፆም።

እዚ ከምዚ እናሃለወ እቶም ፕሬዚዳንት ኢትዮጵያ ኣብቲ ዞባ ሰላምን ምርግጋእን ንኸዓስል ትገብሮ ፃዕሪ ከምዝነኣዱ እቶም ኣቐባሊ ቃል ኣብሪሆም።

መንግስቲ ውሽጣዊ ጎንፂታት ብሰላም ንኽፍትሑ ዝሓዞ ቆራፅ ቅዋም እውን ተዛሪቦም።