ኣምባሳደር ምስጋኑ ምስ ተወካሊ ፕሮግራም ምግቢ ዓለም ኣብ ኢትዮጵያ ተዛቲዮም
ኣዲስ ኣበባ፣ 24 ነሓሰ፣ 2015 (ኤፍ ቢ ሲ)ሚኒስትር ዴኤታ ጉዳያት ወፃኢ ኣምባሳደር ምስጋኑ ምስ ተወካሊ ፕሮግራም ምግቢ ዓለም ኣብ ኢትዮጵያ ክሪስ ኒኮይ ተዛቲዮም።
ኣምባሳደር ምስጋኑ ኣብ እዋን ዘተኦም ድማ ፕሮግራም ምግቢ ዓለም ኣብ ኢትዮጵያ ብተፈጥሮኣዊን ሰብ ስራሕን ሓደጋ ጉድኣት ንዝበፅሖም ዜጋታት እናገበሮ ዝርከብ ሓገዝ ዝምልከት መብርሂ ሂቦም፡፡
መንግስቲ ፌዴራል ዝተመዛበሉ ዜጋታት ንምሕጋዝ ፃዕሪ እናገበረ ከምዝርከብ ብምሕባር÷ ከም ፕሮግራም ምግቢ ዓለም ዝበሉ ትካላት ሓገዝ ምህላዉ ሰብኣዊ ሓገዝ ተበፃሒ ንምግባር ከምዝሕግዝ ገሊፆም፡፡
ክሪስ ኒኮይ ብግደኦም÷ ፕሮግራም ምግቢ ዓለም ኣብ ኢትዮጵያ ንዝተጎድኡ ዜጋታት ሰብኣዊ ሓገዝ ንምብፃሕ ኣብ ዝተፈላለዩ ክፋላት እታ ሃገር እናተንቀሳቐሰ ከምዝርከብ ተዛሪቦም፡፡
ኣብቲ እዋን ዘተ ተቓላዕቲ ዝኾኑ ክፋላት ሕብረተሰብ ንምሕጋዝን ብሓባር ንምስራሕን ከምዝተስማዕምዑ ካብቲ ሚኒስቴር ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com