ኣሜሪካ ነበር ዕጡቓት መሊስካ እግሪ ንምትካል ደገፋ ኣጠናኺራ ከምእትቕፅል ገሊፃ

ኣዲስ ኣበባ፣ 8 ግንቦት፣ 2016 (ኤፍ ቢ ሲ)ኮሚሽነር ኮሚሽን ብሄራዊ ተሃድሶ ተመስገን ጥላሁን ምስ ፍሉይ ልኡኽ ኣሜሪካ ኣብ ቀርኒ ኣፍሪካ ኣምባሳደር ማይክ ሃመር ዘቲዮም።

እቶም ኮሚሽነር፥ ልኡኽ እቲ ኮሚሽን ንምዕዋት ስራሕቲ ምድላው ምዕራፍን ቀዳማይ ዙር ትግበራ ምትካል እግሪ ነበራት ዕጡቓትን ብዝምልከት ኣብሪሆም።

ብመሰረት እዚ ኣተኣኻኽባ ሃፍቲ፣ ስራሕቲ ምድግጋፍን ትሕብብርን፣ ዘጋጠሙ ብድሆታት ብዝምልከት እውን ገሊፆም።

መንግስቲ ኣሜሪካ ክሳብ ሐዚ ዝገብሮ ዘሎ ደገፍን ምትሕብባርን አመስጊኖም።

እቲ ደገፍ ብቐፃልነት ተጠናኺሩ ንክቕፅል ሓቲቶም።

ኣምባሳደር ማይክ ሃመር ብግደኦም፥ ነበር ዕጡቓት መሊስካ እግሪ ንምትካል ብመንግስቲ ኢትዮጵያ ዝግበር ዘሎ ስራሕቲ ቅድመ ምድላው ምዝዛምን ምንቅስቓስ ትግበራ ኣብ እወንታዊ ከይዲ ከምዘሎ ተዛሪቦም።

እቲ ፕሮግራም ብመሰረት ትልሚ ንክዕወት መንግስቲ ኣሜሪካ ዝገብሮ ደገፍን ምትሕብባርን ኣጠናኺሩ ከምዝቕፅል ምርግጋፆም ኣብቲ ኮሚሽን ዝረኸብናዮሓበሬታ የረድእ።